سلامتنا في وقايتنا [الأرشيف] - .:: منتديات حدوته ::.

رشاقة الروح

12-26-2009, 03:55 PM

القبلة شيء جميل **كلنا بنعبر بيه
و نخش في حضن دافي ** لغالي فرحنا بيه
ونصيحتي يا أهلي نبعد** وكفايا سلام بالإيد
و نرحب بالحبايب**بالبسمة ومن بعيد
ولو في الوقت ده**لازم نعمل كده
علشان الميكروبات**تفضل متأيدة
ياحبايبي الh1 ** لوكتر فيه خطر
انفلونزا الخنازير**وطيور زي المطر
ضيوفنا استوردوها**لبلدنا ودخلوها
وإحنا حاميين حدودنا**بأطباء يكشفوها
لازم نآخد احتياطنا**ونبعد عن الخطر
و نقلل من الزحام** في الرحلات والسفر
و نراعي في الأماكن**يكون فيه تهوية
و نروح عادي المسارح**وملاهي مسلية
بس ضروري الكمامة**تحفظنا في الزحام
و نعود بيتنا بسلامة**والكل يكون تمام
وكمان نغسل إيدينا**بالمية والصابون
و نطهر بيتنا دايما** ونلمع في الصحون
ولا ننساشي المناديل**مظهر وقائي جميل
والعطسة تبقى فيها**والكحة بتداريها
وبلاش الذعر بينا**ونهول في الأمور
سلامتنا في وقايتنا**ونعيش ورد وزهور