ارجوكم محدش يقول بعد كدا احنا ممكن نعمل ايه
كجمعيه عملنا كل حاجه
نزلنا رقم الحساب
وتليفوناتنا
وعنوان الجمعيه
ونزلنا شوفنا الاماكن التى اغتالتها السيول
الوضع صعب للغايه
وبالمناسبه قليل هو من اتصل
ونادر من قدم المساعده
اقلكم كمان
الناس بتهزر
والشمس طلعت
وبكره الناس تنسى
والناس المنكوبه ستظل منكوبه
ولكننا ابدا لن نقصر
خرجنا من اطار المنتدى والجمعيه
الى اصدقاء لنا بالداخل والخارج
عسى ان ياتى الفرج من الخارج
ونقدم يد المساعده للغير
من تحرك وقدم هم معروفين
من فرق العمل بالجمعيه
وفى ضاحيه السلام
لهم منا كل الشكر
وكل حسب طاقته وقدرته

كلام حضرتك مظبوط أ/عادل
بس لازم برضو نوضح أكتر للناس
ونفهمهم مره تانيه وتالته ورابعه إننا جمعيه
ياجماعه إحنا بنتكلم كلنااا بإسم جمعية حدوته
وكلنا مطلوب منا المساعده
ماديا/يبقى كتر خيرك
ملابس مستعمله/يبقى ربنا يجازيك خير
أكل وشرب/ولو سكر ودقيق من البيت//يبقى الله ينور
تعالى وأقف معانا/يبقى إنتا أحسن من كتير غيرك


لكن

زي ما نبه أ/عادل
متسألش أنا المفروض أعمل إيه
كل واحد عارف نفسه ممكن يقدر يعمل إيه
موش إحنا إللي هنجاوب ع سؤالك ده

ياااارب عووض ع المنكوبين بالخير يااارب

والله بجد الواحد مش عارف يقول ايه

كان نفسى والله اكون موجوده معاكم

وكان نفسى اقدم اى مساعده

بس الروف بقى ان انا مش مجوده فىالعريش

ربنا يكن فى عون الناس ويصبرهم

ويعوضهم عن اللى حصلهم اللى حصل ده حاجه لا تصدق

وانتو بجد ربنا يجازيكم كل خير على اللى عملتوه

الواحد عارف انه مقصر فى حق الناس دى

بنا يكون فى عونهم

وان شاء الله ابقى معاكم بكره

أستاذ عادل
هناك تحرك على أعلى مستوى في مدينة ينبع .. وإن شاء الله سيكون هناك تنبيه في جميع مساجد مدينة ينبع .. فقط نريد التأكد من رقم الحساب.. لأن الجمعيات الخيرية هنا تريد رقم الحساب المضبوط من أجل إرسال المبالغ التي تم تجميعها .. وبالنسبة للأمور العينية فيصعب نقلها لبعد المسافة ..
أستاذ عادل
سأوافيكم بما يحدث أولاً بأول
وربنا يلطف بنا
وتسلمي يا عريش

ردا على السؤال....
انت وانتى...
ممكن تعملوا اى حاجه وكل حاجه..
شوف انت تقدر تعمل ايه ...واعمله...
ومهما كان اللى تقدر تعمله...فهو عند الله..
الوضع صعب جدا فى منطقة عاطف السادات..
والكثير يحتاج للمساعده..

والله يا استاذ عادل حضرتك قولت كلمة فى مكانها
والله اعلم باللى عاوز يساعد واللى مش عاوز
وكل حسب طاقته وقدرته

المنكوبون لهم الله ... اولا
ثم يد الله في الارض ثانيا
عباد الله الذين اختصهم الله بعون المحتاجين
الواقع المؤلم ليس لمن تضرروا فقط انما بما حدث
سرقات ونهب للمنازل المنكوبة التي هجرها اهلها
بطء شديد في تقديم يد العون من كافة الجهات
فضلا عن خروج البعض ممن ليس لهم ادنى علاقة بما حدث ليبكي ويعرض مظالمه ليحصل على معونات ليس له حق فيها نهائيا
احداث مؤسفة شهدناها في تلك الاحداث العاصفة
ينقصنا جميعا خبرة التصرف في مثل هذه المواقف
اي تصرف كان نابع من دوافع انسانية فهب الجميع يقدم مايستطيع
لم يكن هناك وقت للتنظيم او التنيسق .. مع اهميتهم الكبيرة
وكيف نلوم انفسنا والجهات المختصة بإدارة الأزمات نفسها لم تتمكن من إدارة الأزمة
يداً بيد .. جهود متكاتفة ... احساس بالمسئولية ... تنظيم وحسن تصرف ... استفادة من ذوي الخبرات
هذا مانحتاجه الان ودائما
كي نتمكن من تخطي أزماتنا
تحياتي أ / عادل على طرحك ومجهوداتك
وتقبل مروري

شكرا يابروف الكل عليه دور اللي معاه مال هيتبرع واللي معاه صحه هيجاهد بمجهوده واللي عنده

لبس بطانيه كوفرته يجيب واللي يساعد بوصول معلومه واللي يساعد بجبر خاطر المنكوب المهم

الكل الكل الكل له دور وبلاش ندور ونقول فلان عمل ايه


عايزك ترجع لنفسك وتقول انا عملت ايه وراضي عن نفسك ولا لأ

وجزاكم جميعا كل الخير

شكرا يا بابا على الموضوع ودة رايك واحنا كلنا بنحترمة