بمناسبة العيد المئوي لنادي الزمالك .. و لكل زملكاوي .. أجب عن السؤالين التاليين :

1- هل سمعت عن كأس العالم للأندية ؟
2- ماذا تعني هذه الجملة

( بيبو و بشير .. بيبو و الجون )



إذا عرفت الإجابة إتصل علي الرقم التالي ( 61616161 )
الجائزة الأولي رحلة لتشجيع النادي الأهلي في كأس العالم للأندية العام القادم .. إلحق إتصل

ههههههههههههههههههههههه شكرا ليك ابو رضوان على الرد

ههههههههههههههه
شكرااااااااااااااااااااااااااااا
يا ابو رضوان

في سؤال كمان احب اضيفه

تعرفوا طعم الفرحه ؟؟


اذا كانت الاجابه بنعم فاعلم انك اهلاوي

هههههههههههههههههههههههه

ههههههههههههههههههههههههههههههههههه
طب يعرفوا شكل درع الدوري ولا نسيوه هههههههه

هقول ربنا يهدي العااااااااصي

ويشفي كل مريض

ويعفو ا

ابو رضوان انت اهلاوى رائع
احب الكرة فى الاهلى
ولا مخطط و لا مقلم
يامهد الكورة يا معلم
احب الكورة فى الاهلى
مع تحيات
ابو كريم ابن عم ابو رضوان
و سلملى على الستة

حقا كلما رأيت كلام الاهلويه....
حمدت الله انى زمالكاوى....

ههههههههههههههههه

مافيش ناس زمالكويه علشا يردوا على الكلام ده

و خدوا 6 رايح خدوا 4 جاااااااى
هاهاهاهاهاهاها

يجماعه حرام لازم نساعدهم فى محنتهم
هاهاهاهاهاهاهاهاه

اهلالالالاوى للنخاع

حقا كلما رأيت كلام الاهلويه....
حمدت الله انى زمالكاوى....
وانا معا عماد فى هذة المقوله

واللهى الكلام ده معقول وجااامد

اللهم اهدى قومى فانهم لا يعلمون
لن احاسبك انك تشجع الزمالك
فهذا شأنك و لكن لا تحاول ان تقلل من شأن من يشجعون الاهلى لان الاهلى ان كنت لا تعلم او اذا كنت مغيبا بالا رقام هو الاعظم و الارقى و الاهدأ و الاقوى ادارة و جماهير
و اقل ما احب ان اذكرك به يا اخ عماد ان اخر 19 مباراة بينكم و بين الاهلى لم تفوزوا الابمباراتين فقط شانكم شأن اندية الوسط و القاع ولكن المنافسة الحقيقية هى بين الاهلى و الاسماعيلى و بتروجت فارجوك الا تنساق وراء الاوهام انكم القطب الثانى للكرة المصرية او ان مباراتكم امام الاهلى هى مباراة القمة فمركزكم فى الاعوام الاخيرة لم يزد عن احراز المركز الرابع و عموما انى اعلن عن درس مجانى لتعليمكم تاريخ الاهلى
اخوك فى الله
ابو كريم

اللهم اهدى قومى فانهم لا يعلمون
لن احاسبك انك تشجع الزمالك
فهذا شأنك و لكن لا تحاول ان تقلل من شأن من يشجعون الاهلى لان الاهلى ان كنت لا تعلم او اذا كنت مغيبا بالا رقام هو الاعظم و الارقى و الاهدأ و الاقوى ادارة و جماهير
و اقل ما احب ان اذكرك به يا اخ عماد ان اخر 19 مباراة بينكم و بين الاهلى لم تفوزوا الابمباراتين فقط شانكم شأن اندية الوسط و القاع ولكن المنافسة الحقيقية هى بين الاهلى و الاسماعيلى و بتروجت فارجوك الا تنساق وراء الاوهام انكم القطب الثانى للكرة المصرية او ان مباراتكم امام الاهلى هى مباراة القمة فمركزكم فى الاعوام الاخيرة لم يزد عن احراز المركز الرابع و عموما انى اعلن عن درس مجانى لتعليمكم تاريخ الاهلى
اخوك فى الله
ابو كريم


ماهو علشان كده بقول انى لما اشوف كلام الاهلويه بحمد ربنا انى زمالكاوى...
هاهاهاهاهاها
شوف ردك كده وشوف مين الىل عمل الموضوع...
واسال نفسك اخى الكريم...
مين اللى بيحاول يقلل من الفريق التانى...
عامه موضوع الاهلى والزمالك طول عمره موضوع قناعات..وثوابت لدى كل جمهور...
ومش سهل حد يقتنع بالتانى...
واخيرا مادام لا يوجد اى غلط فمافيش اى مشكله...

الزملكاويه مش بيحبوا الكوسه

الزملكاويه مش بيحبوا الكوسه
صح يا ام كريم


الزمالكويه دايما بيحبوا يأخذوا حقهم بس

تسلم ايدك يا ام كريم
وعوده حميده

اللهم افتح بينى و بين قومى بالحق
يا سيدى انا ردى لا يشمله الا الارقام و الارقام لا تكذب
الاهلى بطل الدورى 35 مرة
الاهلى بطل الكاس 33 مرة
الاهلى بطل كاس الكئوس الافريقية 6 مرات
الاهلى بطل كاس الابطال 6 مرات
الاهلى بطل السوبر الافريقى 5 مرات
الاهلى بطل السوبر المصرى 4 مرات
الاهلى هو النادى الوحيد الذى شارك فى بطولة العلم للاندية فى اليابان (وهى للعلم دولة اسيوية و تقدر تروح لها من موقف المرج)ثلاث مرات
الاهلى هو النادى الافريقى الوحيد الذى حصل على برونزية بطولة العالم للاندية.
لن نتكلم بالانشاء و التعبيرات المجازية و لكنى اسوق اليك الارقام ام ان ارقام الاهلى تقلل من شأنكم
ولاحظ يا سيدى انه عندما يتسيد الاهلى فى مصر و افريقيا تتسيد مصر افريقيا و الدليل:
الاهلى بطل مصر و افريقيا عام 86 و فازت مصر ببطولة افريقيا86
الاهلى بطل مصر 90 صعدت مصر لكأس العالم 90 بايطاليا
الاهلى بطل مصر 98 و فازت مصر ببطولة افريقيا ببوركينا فاسو 98
الاهلى بطل مصر و افريقيا 2006 و ثالث العالم و فازت مصر ببطولة افريقيا 2006
الاهلى بطل مصر و افريقيا 2008 و فازت مصر ببطولة افريقيا بغانا
الاهلى متصدر الدورى بالشباب 2010 و فازت مصر ببطولة افريقيا لنفس العام فى انجولا
ثانيا انا لا احاول ان اقنعك فلك قناعاتك ولى قناعاتى فانت فى النهاية اخ مسلم عزيز و هى فى الرياضة و لكن ما افعله هو ان اعيدك الى ارض الواقع لكى تنظر الى اعلى منك فتجد الاسماعيلى بتروجت الطلائع ثم من يعزف منفردا بمفرده الاهلى يا اخى انها كما قلت قناعات ناس تحب تفرح على طول ( الاهلوية) وناس تحب النكد دايما.اما بالنسبة للاخت (ام كريم ) ليتك تخرجين من عقدة الاضطهاد فالاهلى لا يغير مدربيكم بل انتم و الاهلى لم يتعاقد مع مصنع مشاكل يسميان زكى و ميدو بل انتم انتم من تضعون انفسكم فى موقف المضطهد فتارة تدعون ان الاتحاد الافريقى ضدكم و اخرى الاتحاد الدولى
و صدقينى اول خطوات الاصلاح هى مواجهة النفس
اخوكم فى الله
ابو كريم

( حقا كلما رأيت كلام الاهلويه...حمدت الله انى زمالكاوى.... ) ..
هذا ما قاله الأخ العزيز /emad kamal .. و أقول له :

إن كان الحمد لله من باب الحمد في الضراء .. فهذا واجب علي كل مسلم عاقل راشد أن يحمد الله كثيرا إذا ما أبتلاه الله .. أما إن كنت تحمد الله علي أنك زملكاوي بالفعل و أنك لم تكن أهلاويا .. فأقول بملء فمي .. كن زملكاويا صرفا و شجع فريقك في كل وقت ( وقت الفوز وهو قليل و وقت الخسارة وما أكثره ) .. و لكن لا تقترب من الأهلي .. فالأهلي .. يعني الوطني .. من قلب الوطن .. فمصر تتنفس أهلي .. و هواء مصر لم يتلون بعد بأي لون غير لون الأهلي .. الهرم أهلي و البرج أهلي و الأرض أهلي حتي النيل أهلي .. في أية مكان إذا سألت تجد 80 % من الحاضرين ينتمون للزعيم الأحمر .. يذوبون عشقا فيه .. ولما لا ؟ .. و هو كل شيء في بلدي .. هو العلم و النشيد .. هو الطرقات و الأزقة .. الأطفال يعشقون الأحمر قبل كل الألوان .. و الكبار يرتاحون في ترديد هتافاته .. قل لي كم مرة في العام تحزن هذه الجماهير ؟ .. الأهلي هو المنظومة الوحيدة في بلدي التي تعمل بطريقة إحترافية لا يشوبها شائبة .. قل كما تشاء و انعت الأهلي بما تشاء وقل ما يحلو لك .. فالأهلي باسق كلما أصابته السباب يلقي بأفضل و أجمل الثمار .. الأهلي الحقيقة الوحيدة في حياة كل زملكاوي وهو حجر عثرة في قلوب و صدور الزملكاوية في سبيل تحقيق ما يريدون و هو دائما المنغص و المكدر الأول و الوحيد عليهم .. أقول لك فعلا و بحق يجب أن تكره الأهلي .. يجب أن تكرهه لأنه لم يترك شيئا إلا و حققه وفريقك المصون يتسول البطولات .. يجب أن تكره الأهلي لأنه الأعلي و الأقوي .. لم يترك لاعبا إلا و سبق ناديك وخطفه .. يجب أن تكره الأهلي لأن العالم تحدث عنه يوم حقق برونزيته و فريقك يخسر من بني عبيد .. يجب أن تكره الأهلي لأنك توسمت خيرا حين رحل هيديكوتي و فايتسا و جوزيه و توقعت سقوطه ثم ذهبت أمانيك أدراج الرياح لأنه ظل كبيرا .. فالأسماء تذهب و تجييء و يبقي الكابوس كاتما علي صدور ناديك .. يجب أن تكره الأهلي لأنه بقي الصرح الكبير يوم إعتزل بيبو و مارادونا النيل و رحل المايسترو صالح .. يجب أن تكره الأهلي لأنك يوم إحتضنت أبنائه المارقين ( التوأم وإبراهيم سعيد ) لقنك درسا لن يمحوه التاريخ بالستة .. يجب أن تكره الأهلي لأنه يوم إنشائه أطلق العنان لنسره الأحمر الكبير ليحلق فوق سماء مصر و يحتضن الخريطة بجناحية ليفوت الفرصة علي غيره في إمتلاك مصر سماءا و أرضا .. يجب أن تكره الأهلي لأنه يضم نجوم القارة ( تريكة و بركات وجمعة وفتحي و العميد الصقر و معوض ) .. يجب أن تكره الأهلي لأنك تعلم أن الأهلي أنشيء لدرأ الإستعمار و ناديك المصون جاء إنشاؤه لطلبة المدارس الأجنبية .. يجب أن تكره الأهلي لأنك في كل مرة تتمني خسارته ترجع لأرض الواقع بخفي حنين فتخرج لتتهم الحكام و إتحاد الكرة حتي أن الأمر وصل بك إلي إتهام الكاف و ربما الفيفا .

أخي الفاضل العزيز ..

أنا لا أطلب سوي أن تعطي كل ذي حق حقه .. شجع ما شئت و ناصر الفريق الذي تريد .. ولكن يجب أن تعلم أن الأهلي هو الأعظم .. بل ويجب أن تتمني لفريقك أن يصل لما وصل إليه الأهلي .. هكذا أستطيع أن أقول أن الزمالك سيعود .. لأنك قبل أن تفكر في غيرك يجب أن تري ما أنت فيه حتي تستطيع أن ترقي و تصل إلي ما وصل إليه غيرك ...... الزمالك و الزمالكاوية ينقصهم فقط (( الصدق مع النفس )) ..

الاخوه الاعزاء ولاد العم...ابو كريم وابو رضوان..
لازلت ااؤكد على كلامى ...
انا حتى الان لم ااتى بسيره الاهلى لانى عارف لو اتكلمت عن الاهلى ...موش هانخلص مع بعض خالص...هاهاهاهاها
وبما اننا ينقصنا الصدق مع النفس..
فكل الاهلوية ينقصهم شىء بسيط جدا..
وهو الحقيقه ....
فللاسف كل الاهلويه يرون العالم كله احمر ...وينظرون لكل شىء بمنظور احمر...وكلامك ياابو رضوان خير دليل على اللى بقوله ده...لدرجه ان الاهلى عندكم بقى فوق الجميع ومصر كلها بقت حمرا...وده من كلامك السابق..
للاسف اخوانى الاعزاء...الاهلويه لايسمعون ولا يفكرون ابدا ...ولكن للاسف اغلبهم حافظيين وخلاص ...
نفس الكلام والجمل والعبارات ...دون اى تفكير فى اى منها...
هو مجرد حفظ لكلمات تطلقها ادارتهم وصحفييهم ...ويرددونها كما هى وبس...
اما بالنسبه للغه الارقام التى لا تكذب...
فانا اتفق معك حقا...الارقام فى حد ذاتها لغه لاتكذب...
ولكن ماذا عن حقيقه هذه الارقام نفسها...كيف تحققت هذه الارقام...
هذه هى النقطه الحقيقيه التى لايقبل اى اهلاوى مجرد التفكير فيها او مناقشه اى منها ...
وعامه زى ماقلت قبل كده..
هى قناعات ورؤى شخصيه لكل فرد...
فالزمالكاويه مقتنعين تماما ان معظم بطولات الاهلى وارقامه يشوبها الكثير من العدل...
ولكم انتم كاهلاويه ايضا ان تدافعوا عن بطولاتكم...هذا هو حقكم...
وكما ذكرت فى ردى السابق على الاخ ابو كريم..
مادام لايوجد غلط يخرجنا عن اداب الحوار فلا يوجد اى مشكله...
وهذا مانا سعيد جدا بيه...
اما بالنسبه لاتهامكم لى انى اخطأ فى حق الاهلى...
فعذرا انا ارفض هذا الكلام..
وردودى موجوده كما هى..
فارجوا توضيح اى كلمه خرجت منى فيها اساءه للاهلى...
واخيرا اهلا بكم جميعا فى اى وقت...

انا مش عارف ليه كل الشد ده ......
الناس مش عايزة تقتنع ليه ان الاهلي مسيطر علي الكرة الإفريقية و المصرية من سنوات طويلة و إن حتي فقد بعض الألقاب القارية أو حتي المحلية .....

عموما مع احترامي للزمالك .... و هو نادي كبير و محترم و أي لاعب في مصر يتمني اللعب له مع الاحتفاظ بالانتماءات طبعا ... الزمالك نادي عريق و عظيم بجماهيره و اسمه و لكن الخلاف هو بعض لاعبي الجيل الحالي في الزمالك لا يرقون للعب باسم نادي الزمالك ......
أريد رداً من الزمالكوية ....
هل تجد في الأهلي صراعات إدارية و مشاكل و خناقات عشان الانتخابات تؤثر علي نتائج الفرق ؟؟؟
هل تجد أي استقرار إداري و فني في الزمالك من اكتر من خمس سنوات ؟؟؟

ولكن مع كل هذا ... أري أن الزمالك بدأ مرحلة جديدة الآن مع حسام حسن و لكن هناك مخاوف من حسام و إبراهيم حسن و مشاكلهم المعتادة ....
إنما من ينكر أن هناك تغيير واضح جدا في الزمالك ؟؟؟؟

انا أهلاوي جدا جدا ...... ولكن احترم الزمالك ....
اما الخلافات بين جماهير الناديين ستظل مدي الحياة و مع اختلاف الأجيال .....

انما لو خلافات أخلاقية و تشكيك في بطولات أي من الناديين و إدعاء أن بطولات الأهلي علي مرة اكثر من 100 عام بالحكام .... فهذا كلام خاطئ تماما .... فليس هناك فريق يستطيع أن يربح أكثر من 100 بطولة بالحكام .....
الجميع يري أخطاء الحكام في مباريات كثيرة سواء للأهلي و الزمالك أو حتي باقي الفرق ......
كذلك رأينا في المباراة الأخيرة ( الزمالك و المقاولون) هدف الزمالك لأحمد جعفر من تسلل واضح ... كذلك إعتراض حسام حسن علي الحكم بشكل غير مقبول ......
فيمكننا أن نقول أن الزمالك فاز بالمباراة بمساعدة الحكم .... ولكن ذلك لن يهمنا .... المهم أن فريقي المفضل يتمكن من الإستمرار في الفوز بباقي مباريات الدور الثاني و لا يهمني باقي الفرق مهما كانت ....

واضح يا أخ عماد إنك مش فاهم معني مقولة ( الأهلي فوق الجميع ) .. معني أن الأهلي فوق الجميع مقصود بها أن الأهلي فوق الأهلاوية أنفسهم أولا .. فلا يجب تفضيل المصلحة الخاصة عن مصلحة الأهلي التي هي أسمي و أعلي .. فيعلو الأهلي و يصبح فوق الجميع الذي هو نحن الأهلاوية .. هذا أول شيء .. أما الشيء الثاني وهو أن الأهلاوية حافظين .. فعلا حافظين الأرقام و البطولات التي حصل عليها الأهلي بالرغم من ثقل هذا السجل و بالرغم من صعوبة حفظه إلا أنني واحد من الأهلاوية الذين يحفظون عن ظهر قلب كل كبيرة و صغيرة عن النادي العظيم و لا أمل ولن أمل في حفظ ما يستجد من بطولات .. أما عن حقيقة الأرقام التي حققها الأهلي فأكاد ألمح في حديثك اللغة التي يجيد الزمالكاوية التشدق بها ألا وهي لغة الظلم .. فما تري زملكاوي إلا ولسانه ينبض بكلمات مثل ( الجهاد - النضال - الظلم - التضحية - الظلام - المؤمرات - الفساد و الفاسدين - الخونة - الرشوة - إنكسار - زيف - نادي الحكومة - إتحاد الكوسة ) .
إلي متي تظل نظرية المؤامرة مهيمنة علي عقول وقلوب الزمالكاوية الذين لا يريدون النزول إلي أرض الواقع حتي لا يصطدمون بالحقيقة .. فيبدأون في آخذ المسكنات التي هي من هذا القبيل .. فيرتاح البال و ينامون نوما هادئا بلا منغصات .. فمجرد التفكير في المباراة ينغص العيشة .. و لكن أن تعزي نتائج المباريات إلي فساد تحكيمي أو إداري فإنه يعطي للقلب الطمأنينة .
الشيء الأخير أخي الفاضل .. هو حديثك عن الغلط الذي يخرجنا عن أدب الحوار ..
فمهما حدث تأكد تماما أن لياقة الحديث هي لغة المتمكن و غير ذلك فهي لغة العاجزين .. فالإنسان الذي لا يجيد الحديث يبدأ في السباب أو ما غير ذلك .. ثم لا تنسي أخي أن حديث الأهلي و الزمالك باق ما بقي الناديين .. فلا أنا ولا أنت يمكن أن نحل هذه القضية طالما ظل الناديان .. فإن كنت أنت سعيد جدا بهذا الحوار .. فانا في قمة السعادة به ..
ولي توضيح أخير وهو أني لم أقل بأنك قد أخطأت في حق الأهلي بكلمة أو لفظ .. و لكنك أخطأت حين لم تعطي للأهلي قدره الذي هو برضه

(الجميـــــــــــــ فوق ـــــــــــــــــع)

:SnipeR (49):هو ده الكلام يا جيمي .. مش كده ولا إيه ( علي رأي فؤاد المهندس ):SnipeR (49):

بصو يا جماعه احنا ديما فى حالنا

ومبنحبش ندايق حد

واللى اشعل فتيله الفتنه واحد اظن مش زمالكاوى

مش عارفه اسميها ايه تانى دى غييره دى ولا ايه

عما احنا مش فى حرب هنا ولا بنتخانق

وكل واحد يشجع اللى هو عاوزه محدش ليه دعوه

لو كنتو مدايقين من كلام عماد انه حمد ربنا انه زمالكاوى هو ما اسأش للاهلى

وعلى كلام ماما فانا معاها تماما احنا طول عمرنا مبنحبش الكوسه

وعمر ما كان لينا فى اساليب الاستفزاز دى

كسبنا فرحنا ما كسبناش اه بنزعل بس مش بنعمل زيكم

وعلى فكره ابداو بصو للى جاى بقى كده شوفو مين اللى هيبقى

وانتو خلاص السد بتاعكم وقع الحضرى راح منكم والاهلى من غير الحضرى اكيد انتو عارفين

وزى ما قلت احنا مش داخلين حرب وخلى عندكم روح رياضيه

وكل واحد يشجع فريقه من غير ما يدايق حد

وزى ما الاهلى ليه جماهيره الكتيره الزمالك كمان ليه مشجعيه وبيحبو جدا

وفعلا الحمد لله انى زمالكاويه

zamalek 4ever

لا طبعا يا رنا .........
الاهلي من المستحيل يقف علي لعيب مهما كان اسمه ولو حتي كان الحضري ......
الأهلي جاب 3 او 4 بطولات من بعد رحيل الحضري ...
قوليلي بقي ايه اللي عمله الحضري للإسماعيلي ؟؟؟!!!!!
طالما هو سبب بطولات الاهلي .... اهو راح الاسماعيلي و ماعملش أي شئ يذكر ....

كمان الأهلي عنده لاعبين زي:

محمد أبو تريكة (أفضل لاعب في أفريقيا 2008)
محمد بركات ( أفضل لاعب في أفريقيا 2006)
عماد متعب (هداف الاهلي و منتخب مصر و الدوري المصري و هداف الدوري السعودي 2009)
أحمد حسن (أفضل لاعب في أمم أفريقيا 2006 ، 2010 و بطل الدوري البلجيكي مع أندرلخت و بطل كأس بلجيكا)
وائل جمعة ( أفضل مدافع في أمم أفريقيا 2006 ، 2008 ، 2010 )
سيد معوض ( من أفضل لاعبي منتخب مصر و الأهلي )
أحمد فتحي ( من أفضل لاعبي منتخب مصر و الاهلي )

كمان عنده لاعبين شباب مثل:
محمد طلعت ، مصطفي عفروتو ، شهاب ، أحمد شكري ، أيمن أشرف وهم من نجوم منتخب الشباب و نجوم المنتخب الأوليمبي الحالي.

كمان حراس المرمي:

احمد عادل الحارس الواعد
شريف إكرامي .... السد العالي الجديد

ده بقي غير باقي اللاعبين ......
دول لوحدهم يرعبوا أي فرقه في مصر و أفريقيا و أي منتخب يلاعب منتخب مصر




و كمان الأهلي دايما كبير بأبنائه .......
شوفوا دلوقتي شباب الاهلي بيعملوا إيه !!
دول مستقبل الأهلي فعلا .

و عندي تعقيب صغير ....
من الطبيعي انه يكون في ردود صعبة و ده بيكون رد فعل لردود الاعضاء ....
بنلاقي ناس بتقول كلام مستفز .. و الشاطر بقي هو اللي يعرف يرد و ما يتأثرش بالكلام ده ....

أنا أهلاوي .... و أحترم الزمالك و باقي الفرق ...... و لكن أتمني أن يكسب فريقي دايماً ... و ماليش أي دخل بباقي الفرق ... حتي لو الزمالك بهدل باقي المنافسين ..... مش هتفرق تماما معايا

أتمني دائما التوفيق لفريقي زي ما الزملكاوية بيتمنوا ده ...... وده حق مشروع
أتمني أن يربح فريقي دايما و يأخذ حقه ...... وده الزمالكوية كمان بيتمنوه
ما بحبش حد يتكلم بطريقة مش كويسة عن فريقي المفضل ... زي ما الزملكاوية ما بيحبوش كده برضه
ما بحبش حد يشكك في تاريخ فريقي و بطولاته لأن أي حد أصغر من أنه يقول أن الاهلي بياخد بطولات بالكوسة و التحكيم ...... لأنه ده كلام ناس منفسنة .....
ما بحبش حد يقول أن الأهلوية بيحسبوها بالكم بس و بيفكروا دايما بالعدد .... و أقولهم ان أي فريق في الدنيا بيجتهد و بيتعب و بيصرف و يمتلك إدارة مستقرة و جهاز فني مستقر و ذو إمكانيات عالية و فيه لاعبين من أفضل لاعبي مصر و أفريقيا وهم قوام المنتخب الوطني المصري و موفق من الطبيعي أنه يكسب بطولاته لأنه كده بيجني ثمار تعبه ......

و طالما ان الاهلي مستمر و بياخد بطولات يبقي باقي الفرق و الجماهير من الأفضل لها أن تشجع فريقها و أن تسعي لرقيه ولا أن تسعي إلي إصطياد الأخطاء للأهلي ....

انا مش عارف ليه أن الزملكاوية ليه مش متخيلين أنهم مش الأفضل في مصر و أفريقيا ....
كمان ليه متخيلين أنهم دايما هما اللي صح و باقي الفرق غلط .....

سؤال الى الابنة رنا او الاخت رنا
انتىتشجعى اه تتكلمى فى الكورة لا و السؤال هو :الكرة مدورة ولا مربعة؟
على فكرة انا بتكلم بجد لانك مش حتجاوبى صح و لو جاوبتى صح ان شاء الله ارد عليكى
ملحوظة ارجو ان كلامى يؤخذ مأخذ الجد
ابو كريم الاهلاوى جدا

ملحوظة الى الاخ الجميل جيمى
هدف الزمالك فى المقاولون صحيح
و انا متأكد من كلامى و هذا المساعد الذى احتسب الهدف (احمد سليمان) هو من اكفأ المساعدين فى مصر
اما هدف الحرس فى الاهلى اليوم هو من تسلل فاجر و لكنها للاسف خطأ من احد المساعدين المتميزين (تامر درى) و الاخطاء تضفى على لعبة كرة القدم المزيد من الجمال و الاثارة
اخوكم ابو كريم
اى سؤال فى التحكيم انا تحت امركم

سؤال الى الابنة رنا او الاخت رنا

انتىتشجعى اه تتكلمى فى الكورة لا و السؤال هو :الكرة مدورة ولا مربعة؟
على فكرة انا بتكلم بجد لانك مش حتجاوبى صح و لو جاوبتى صح ان شاء الله ارد عليكى
ملحوظة ارجو ان كلامى يؤخذ مأخذ الجد

ابو كريم الاهلاوى جدا



مع احترامى لحضرتك ولرايك طبعا

بس مش حضرتك اللى تقول انا اتكلم في ايه وما اتكلمش فى ايه

عما انا مش داخله حرب

وكل واحد حر فى النادى اللى بيشجعه

واحنا مش بنجبر حد انه يشجع الزمالك بس كل نادى ليه وضعه وليه احترامه

واظن الموضوع مش محتاج لكميه النقاش دى

والنا مش شايفه غير حضرتك اللى بتتكلم بالطريقه دى

وماكانش ليه لازمه الكلام اللى اتقال ده من الاول

وعما الاهلى نادى محترم والزمالك نادى محترم

بس المشكله فى المشجعين هما اللى بيكرهو الناس فى النادى


تحياتى لكل اللى قال كلمه صح ولكل اللى غلط

والخلاصه يعنى كفايه اوى كده مش هنقلبها خناقه هنا

السلام عليكم جميعا

اهلا بكم اخوانى فى رابطة نادى الزمالك والقسم الرياضى

تفاعل جميل من الحواديت لكن ارجو من اخوانى الاعضاء ان لا يكون هذا الحديث والتفاعل سبب فى خلاف شخصى بينكم

نحن هنا فى تجمع جميل جدا ورفقة اشخاص محترمين جدا ويسعدنا التواجد ببيتنا الجميل حدوتة

ونتمنى دوام الاحترام والمحبة والمعزة بيننا

كل الاهلاوية يكنون للزمالك كامل الاحترام والتقدير واكيد نفس الشعور متبادل من الاخوة الزملكاوية

ونتمنى للزمالك التوفيق والسير للطريق الصحيح والعودة لسابق عهده

ونتمنى للاهلى دوام التوفيق والنجاح

أولا يا أبو كريم يا أهلاوي ( هدف أحمد جعفر ) ما زلت مصرا علي أنه هدف غير شرعي ومن تسلل واضح .. ويا ريت تشوف الكابتن / عبد الستار علي قال إيه مع شوبير بالأمس .. دي واحدة .........
أما بالنسبة للكرة فإن الكرة لا هي مدورة ولا هي مربعة وإنما الكرة مسدسة الشكل .. أربعة أوجه تحمل صورة ( خالد بيبو ) .. و الوجه الخامس يحمل صورة (جوزية) .. أمام الوجه السادس فمكتوب عليه ( الأهلي فوق الجميع )

في البداية أشكر كل من قام بالمشاركة برأي جيد في هذا الموضوع .....
ولكن أري أن الموضوع إتخذ شكل آخر غير مقبول في الحوار ....

من المفروض أن يكون الحوار عبارة عن مناقشة و ليس إستهزاء .....
و من الطبيعي وجود اختلافات ..... و لكن بدون التعدي علي الاعضاء و الإستهزاء منهم ........

في البداية أشكر كل من قام بالمشاركة برأي جيد في هذا الموضوع .....
ولكن أري أن الموضوع إتخذ شكل آخر غير مقبول في الحوار ....

من المفروض أن يكون الحوار عبارة عن مناقشة و ليس إستهزاء .....
و من الطبيعي وجود اختلافات ..... و لكن بدون التعدي علي الاعضاء و الإستهزاء منهم ........

وانا اؤيد رايك يا جيمى وارجو من الاخوة الاعضاء عدم الالتماس للاخر

ونحن هنا للتواصل مع بعضنا البعض والاستفادة من بعضنا البعض

وارى ان هذا الموضوع اخذ اكثر من حقه ولذلك سيتم غلق الموضوع