ساعات بشتاق ليوم عشتو وانا صغير ..

لشكلي ئبل ما تغير ..

لايام فيها راحة البال ..

عشان كنا ساعتها عيال ..


ساعات بشتاق للحب القديم
..


و لصوت عبد الحليم ..



لنومي في حضني لبس العيد..



و احساسي ان بكره بعيد..



لفنجان قهوه من امي ونا بذاكر..



لفرحه ابويا لما انجح واكون شاطر..



للمة عيلة في الصيف لما بنسافر على مطروح..



لأول لمسة من ايد اللي حبيتها ..



لضحكتها .. ورئتها .. وبرائتها ..



لدمعة في عيني يوم البعد خبيتها ..



وأنا مجروح..



ساعات بشتاق ليوم عشتو وانا صغير..



لشكلي ئبل ما اتغير..



لايام فيها راحة البال ..



عشان كنا ساعتها عيال ..



ساعات بشتاق .



لخالي وعمي ولجدي ..



لحواديث من بتوع ستي ..



لليلة من ليالي زمان ..



لفرح بيملى كل مكان ..



ساعات بشتاق لبيتنا الكبير ..



ولناس مليانة خير..



لا باتو في مرة يوم شايلين ..



ولا عملو حساب لسنين ..



للعب الكورة في الشارع في حتتنا ..



لأمي وهي بتعيد على جارتنا ..



لرمضان لما بنورو يهل على بيتنا ..



وكل مكان ..



حجات عدا عليها سنين سابت فينا ..



صور جوانا عايشة زي اسامينا ..



ولا الدنيا ولا الايام تنسينا ليالي زمان ..



ساعات ..



ساعات ..



بشتاق ..



لايام فيها راحة البال عشان كنا ساعتها عيال





دي كلمات اغنية عجبتني لمحمد فؤاد من البومه الجديد انا بين ايديك
يارب تعجبكم

والله حلوة جدا وفيها احساس عالى بزكريات زمان
اختيار رائع تسلمى بجد عليه

الله عليكي يا هبه
بجد كلام روعه
تسلم ايدك

بجد هيا أغنيه جميله جدا
والله والشريط كله جاامد جدا جدا
تسلم إيدك مدام هبه
وتعيش يا فؤؤؤش

كلمات رائع جدا
http://up4.m5zn.com/9bjndthcm6y53q1w0kvpz47xgs82rf/2009/12/17/10/hsmj5v8ws.gif

اغنيه جامده يا هبه

كلماتها بجد حلوة اوووووووووووووى

تسلمى يا قمر

روووووووووووووووووعه ياهبه

تسلم ايدك

جااااااااااااااااااااااااااااامدة جدا جدا

افتكرت إنك اللى كاتبها في الأول

لغاية ما قريت آخر سطر

بس بجد انتقاء متميز

مشكووووووووورة هبة

الاغنية فعلا تمس القلب