emad kamal
09-09-2010, 05:46 AM
استراحه حدوته...
كانت فكره من ا/ عادل رستم... قبل رمضان...
قولنا نجربها ونشوفها...
والحمد لله حققت نجاح كبير اوى...فى رمضان بمواضيعها المختلفه والجميله...والجديده...
ايه رايكم يستمر قسم استراحه حدوته...ولا يتشال مع الخيمه الرمضانيه...
وهل لو هايفضل...ايه المواضيع الى تناسبه...بحيث انه مايبقاش قسم مكرر...
منتظرين ارائكم ...وردودكم...
emad kamal
09-09-2010, 05:50 AM
انا كرأى شخصى..
مع الابقاء على القسم...
ولكن مع تحديد انواع المواضيع ...
* ان يكون الموضوع من افكار وابداع العضو...وليس منقول...
* ان يكون الموضوع يتسم بجزء ترفيهى...واجتماعى...
demo3 elsheta2
09-09-2010, 05:53 AM
ممممممممممممممممممممم
طبعا
أنا مع إن الاستراحة تستمر
بجد كانت روعة جدا
وأجمل ما فيها المواضيع الحوارية
بتمنى انها تبقى موجودة على طول
ولازم الحوارات الجميلة دي تستمر
وممكن كمان المسابقات
وياريت زي ما قولت كل أفكارها تبقى من عقل الأعضاء ومن دماغهم الجميلة اللى كلها إبداع
رحاب العريش
09-09-2010, 06:42 AM
القسم فعلا راائع وكان فعال وجميع الحواديت اتفاعلوا فيه
انا مع استمراره وانتقاء الموضوعات زى ما قولت عماد
< سيمو >
09-09-2010, 12:01 PM
تشيلموا مين؟؟؟
لا طبعا ده القسم جميل فعلا
وجمع الحواديت فى امور نقاشية راقية
يا ريت يفضل ونحدد الموضوعات الخاصة بيه
نقاشات ومسابقات مستمرة علشان يفضل دافع الدخول والمنافسة موجود عند الكل
...............شكرا
Jimmy
09-09-2010, 12:03 PM
لا انا بقوووول انه يستمر ولكن يبقي مختلف طبعا عن باقي الاقسام
ولكن يبقي الجانب الترويحي و الترفيهي بيمثل الجااااااااانب الاكبر من القسم
عادل رستم
09-09-2010, 01:32 PM
اراء قيمة فعلا
واتمنى مزيد من التفاعل
وسيكون لي رأى في النهاية
< سيمو >
09-10-2010, 12:22 PM
هاه نحن انتظار القرار......
نحب نعرف اخر قرار ايه
ان شاء الله
Basmala
09-10-2010, 03:45 PM
هو بصراحة كان من اجمل الاقسام فى رمضان ..
وكنت اول حاجة بعملها لما ادخل انى ادخل فيه ..
لكن رأيى هايختلف معاكم جميعا ..
انا حاسه انه لو ارتبط برمضان فقط هايبقى ليه
رونق وقبول مختلف ..
لكن لو استمر قسم عادى فاحنا مهما كانت مواضيعه
فاحنا هانتعود عليها ويبقى برده فى النهاية اصبح
قسم عادى وخاصة ان غير رمضان كل الاقسام بتبقى نشيطة
فوهو معاهم مش هايبقى مختلف كتير وخاصة ان نوعية
الموضوعات اللى قال عليها عماد برده ممكن تتعمل وبتتعمل بالفعل فى الاقسام التانية ..
لكن لو هو قسم يرتبط برمضان وموضوعات رمضان تتعمل فيه كل سنة ..
هايوحشنا ونحس بتميزه واختلافه ..
ولو اجتمعتوا برده على انه يفضل اكيد هانبقى برده احنا الكسبانين
وكسبنا قسم جديد اتفتح ..
شكرا ليك استاذ عادل على الفكرة اللى تميزت فعلا ..
وشكرا عماد على الموضوع ..
عادل رستم
09-11-2010, 03:35 AM
تخيلو
اننا بنعمل استفتاء على وجود قسم او عدم وجوده
والتفاعل يكون 5 او6 اصوات
فعلا بتحبو حدوته
emad kamal
09-11-2010, 09:16 AM
12...نعم...
و..1....لا...
وفى انتظار باقى الحواديت...للتصويت والرأى...كمان...
اكيد الحواديت موش 13 واحد...ولا ايه؟؟؟؟؟؟؟؟؟؟؟