مشاهدة النسخة كاملة : أكتر حااجه تووووووووجع
إسلام عابد 03-28-2009, 11:59 PM السلام عليكم ورحمة الله وبركاته
بصوا يا جماعه أنا جاي أقول كلمتين ورد غطاهم
أنا واحد من النااس الكتير أوي الموجوعين في الدنيا
وياريت تفهمو قصدي صح
فكره موضوعي إنوا كل واحد يكتب هنا إيه أكتر حاجه بتوجعوا في الدنيا
أنا عن نفسي الحاجه إللي وجعااني وألمها كبير بالنسبالي
لما أروح لشوية صحاب هاه معايا في كلامي إنتوا
وأثق فيهم وأشاركهم أفراحهم وأحزانهم وفي الأخر الاقي منهم كلام يزعلني
أو بمعنى أصح وبالغه العاميه(بيلسنوا عليا)
هوا أنا عيل صغير
طب إنتوا إيه رأيكو
أبعد عنهم الناس دول
ولا أعاديهم
ولا أتكلم معااهم بعقل
وأقولهم عيب إللي بتعملوه ده
ولا أعمل إيه ولا إيه
المهم
صحيح أنا حكيت عن نفسي كتير
فكرة الموضوع بقى يا جماعه إنوا كل واحد يكتب إيه هيا أكتر حاجه بتوجعو
أتمنى الموضوع يعجبكو
وألاقي ردود جميله عليه
نور حدوتة 03-29-2009, 12:07 AM اكتر حاجه بتوجعنى الخيانه والكدب
من اى حد وفى اى وقت بالاخص الناس اللى الواحد بيخلصلهم اوووووى
موضووووووووع رائع جدا جدا
وبالنسبه لمشكلتك يالومى اكيد كلنا بنتخبط فى ناس كتير بس
مش ديه نهايه المطاف لو فعلا انت اتاكدت انهم غلطو فى حقك فانت يا تحاول تعاتبهم لو نفع
يااما تنسحب بهدوء وتتعلم من المواقف
بجد فكره الموضوع حلوه اوى
فعلا يا لومى اصعب جرح يوجعك هو جرح اعز الاصحاب اللى بتثق فيهم
وتقولهم اسرارك واخيرا يطلعوا مش قد الثقه دى
بتحس ان الدنيا وحشه اوووووووووووى
واهو الواحد مش بيتعلم بالساهل
يعنى لازم تتعلم من الموقف اللى حصلك
وتختار اصحابك كويس اووووووووووووى
وبعدين دلوقتى متلقيش شخص على حقيقته كله بيتخفى تحت قناع المظاهر والشكليات
شكلى طولت عليك وزهقتك اصلى حصل معايا نفس الموقف بتاعك وقريب جدا من يومين
تسلم يا لومى على التوبيك الرائع
عادل رستم 03-29-2009, 12:21 AM اسلام
العمر ليس بالسن فقد تجد كبارا فى السن واصحاب عقول تافهه وقد تجد صغارا يتمنى ان يصادقهم الكبار وانت من الشباب الواعى ولكن لدى كلمه صغيره فاكر كلمه ياجبل مايهزك ريح كن انت جبلا ولا تابه لكلمه من هنا وهناك نحن جميعا للاسف نقع فى شرك الكلام والحياه تسير رغم مصاعبها
ياسرأبوعاصي 03-29-2009, 12:21 AM كلام جميل وموضوع رائع
واكتر حاجة بتوجعنى الفراق
فعلا الفراق حاجة تزعلنى جدا ..سواء كنت انا اللى مفارق او حد تانى مفارقنى
..وبالنسبالك يااسلام ...احوار الهادئ وسيلة للوصول الى غايتك ..
قال رسول الله ( صلى الله عليه وسلم )
ليس الشديد بالصرعة ؛ إنما الشديد الذى يملك نفسه عند الغضب .
كيلوباترا 03-29-2009, 12:29 AM تسلم ايدك يا لووووووووومي بجد موضوعك رااااائع جدا ومميز
اكتر حاجة بتوووووجع لما تكون متوقع من اعز الناس ليك ابتساااااااااااااامة
وتلاقي عكس كدااااا تمامااااااااااااااا
بنوته مصريه 03-29-2009, 12:37 AM شوف يا اسلام .. انا اكتر حاجة اكرها الشخص اللي له وشين
قدامك ايه يبقي صديقك الصدوق ومن وراك عدوك اللدود
شايفة ان النوع دا من البشر الاهمال احسن حل مع اننا نتعلم منن اي حاجة بتحصل لان العتاب مش الاشخاص دول مش هايفيد خالص
اكتر حاجة توجعني انا.. ان اقرب الناس ليا واكتر حد فاهمني يجرحني بأي شكل
Basmala 03-29-2009, 12:37 AM بصراحة الموضوع جميل جدا لومى ..
وبالنسبة لمشكلتك دى كلنا بنتعرضلها ..
وفعلا بتوجع وتضايق جدااا ..فحلها ممكن اذا هما فضلوا على وضعهم معاك كده..
انك تبعد عنهم لان اللى يعمل كده اصلا اكيد انسان مش كويس وما يستحقش انك تعامله ..
واكتر حاجة بالنسبة ليا ممكن توجعنى ..
هى انى احب اى حد واخلصله ..وما يكونش هو مقدرالحب ده ..
سواء جيران او اصحاب او اقارب ..
وياااااااارب ما تحصلى ابدااااااا ..ولا تحصلكم ..
وربنا يبعد عننا جميعا اى حاجة ممكن توجعنا ..
foollah 03-29-2009, 01:27 AM موضوع رائع تسلم ايدك
وبراي اكتر حاجه توجع الخيانه والظلم
إسلام عابد 03-29-2009, 03:27 PM بجد يا جماعه ميرسي جدا على الردود
وأنا إن شاء الله ربنا هيهديني قريب للصح
وبجد كلكو منورين التوبيك بردودكو الجميله
عبد الهادى 03-29-2009, 03:50 PM فعلا توبيك جميل اوى يا لومى
وانا اكتر حاجه اكرهها و بتوجع ف حياتى هما كتيراوى زى الكذب والخيانة وبجد احنا فى زمن ما يعلم بية الاربنا وسهل اوى تتوقع ان اقرب انسان ليك ممكن يخونك اويجرحك وطبعاانا مش بايدى غير انى انصحة والتسامح
وميرسى على التوبيك لومى
back4_mody 03-29-2009, 04:09 PM موضوعك رائع يا لومي بس عايز اقولك حاجه
الانسان ديماً بيتعلم وانت اكيد الموضوع ده علمك درس
انك متثقش فى اي حد ابداً اعمل ذيي كده ......
واكتر حاجه بتوجع الفرق
لانه حاجه صعبه بجد والواحد اوقات مننا بيحس انه
ملاك الدنيا كلها فى ايده بس بالعكس الدنيا دي لما بتبعد عنه
بيضيع ووقتها بحيس خلاص ضايقت بيه اوي
بصراحه احساس جربته من يومين ووصل معايا لابعد حدود
خلاني خلاص قولت كل حاجه ضاعت بس الواحد كل يوم بيتعلم
موضوع رائع تسلم ايدك
إسلام عابد 03-30-2009, 02:35 PM بجد مشكورين على الردود الجميلهوموش هأقدر أقول غير ربنا يكون في العون وبس
M@Y@R 03-31-2009, 01:58 AM مش عارفه يا اسلام حاسه انك موجوع قوى
بس بجد مهما كانت حجم المشكله ومهما كانت مسببالك من الم
انت مش محتاج غير انك تراجع اوراقك وتقرب من ربنا
وهى الحياه كده.....تجارب
بس حركه حلوه منك انك تحاول تفضفض مع اخواتك بس يا رب تكون ارتاحت
تحياتى
إسلام عابد 03-31-2009, 01:28 PM مش عارفه يا اسلام حاسه انك موجوع قوى
بس بجد مهما كانت حجم المشكله ومهما كانت مسببالك من الم
انت مش محتاج غير انك تراجع اوراقك وتقرب من ربنا
وهى الحياه كده.....تجارب
بس حركه حلوه منك انك تحاول تفضفض مع اخواتك بس يا رب تكون ارتاحت
تحياتى
والله يا ميالا نقدر نقول إني كنت موجوع
بس خلاص الحمدلله مفيش حاجه دلوقتي
وبجد أنا مبفضفضش لأي حد غير لو كان قريب مني
وحدوته كلها إخواتي ويستاهلو إني أجي أفضفض معاهم
طبعا موضوعك واقعى و موجود على أرض الواقع يا ابن الجيران....
الحياة دي هتفضل مدرسة لينا ...طول ما احنا ماشين فيها هنتعلم ...يوم لينا و يوم علينا ...يوم فوق ..يوم تحت ...يوم تصفى لينا ..يوم تطعن في ظهرونا و تشربنا العلقم المر ....نقابل ناس و أصحاب صادقين و مخلصين و في المقابل هنشوف نماذج متجسدة فيها معاني الغدر و الخيانة ......
لكن المهم في دا كله البني ادم نفسه ..يعني انت من كل دا فين ...هتتجاوز كل تجربة بشكل يخليك محافظ على إسلام الإنسان.. ..و لا مع الوقت هتتخلى عن الحاجات الجميلة اللي جواك ...
أكيد إنت دلوقتي بتبص للأمور من زاوية معينة ....بس اطمن بكرة المياة ترجع لمجاريها و هتعرف إزاي تتصرف و إزاي تتجاوز كل مشكلة تعترض طريقك ...
و طبعا الإستعانة بالمولى عز و جل هيا قبل كل شئ ...
محدش ممرش باللي انت قولته ...كلنا تعرضنا لمواقف زي كدا ..و فيه اللي تعرض لمواقف بشعة ميتحكاش عنها لحد ....لكن صدقني كله بياخد وقته و كله بيعدي بسلام .....
و طول ما الإنسان يصفي نيته ..و يستعين بربه عمره أبدا ما يضيع ...
مش هطول عليك لكن هقولك ...المعادن النفيسة لكي تبرق وتلمع ..لابد لها من إحتكاك شديد ....أكيد فكرتي وصلت ....
و يارب يجعل أيامك كلها سعيدةيا إسلام و يارب تنال رضا المولى في الدنيا و في الاخرة و ربنا يحفظك إنت و كل شباب المسلمين من رفقاء السوء .....
و ياجبل ما يهزك ريح هههههههههههه
تقبل مروري
ودمتم سالمين
أسيف
عيون المها 04-02-2009, 08:49 PM اكتر حاجه بتوجعنى ان امسح دموع الغير وهو منساب على وجنتى
إسلام عابد 04-03-2009, 02:09 AM طبعا موضوعك واقعى و موجود على أرض الواقع يا ابن الجيران....
الحياة دي هتفضل مدرسة لينا ...طول ما احنا ماشين فيها هنتعلم ...يوم لينا و يوم علينا ...يوم فوق ..يوم تحت ...يوم تصفى لينا ..يوم تطعن في ظهرونا و تشربنا العلقم المر ....نقابل ناس و أصحاب صادقين و مخلصين و في المقابل هنشوف نماذج متجسدة فيها معاني الغدر و الخيانة ......
لكن المهم في دا كله البني ادم نفسه ..يعني انت من كل دا فين ...هتتجاوز كل تجربة بشكل يخليك محافظ على إسلام الإنسان.. ..و لا مع الوقت هتتخلى عن الحاجات الجميلة اللي جواك ...
أكيد إنت دلوقتي بتبص للأمور من زاوية معينة ....بس اطمن بكرة المياة ترجع لمجاريها و هتعرف إزاي تتصرف و إزاي تتجاوز كل مشكلة تعترض طريقك ...
و طبعا الإستعانة بالمولى عز و جل هيا قبل كل شئ ...
محدش ممرش باللي انت قولته ...كلنا تعرضنا لمواقف زي كدا ..و فيه اللي تعرض لمواقف بشعة ميتحكاش عنها لحد ....لكن صدقني كله بياخد وقته و كله بيعدي بسلام .....
و طول ما الإنسان يصفي نيته ..و يستعين بربه عمره أبدا ما يضيع ...
مش هطول عليك لكن هقولك ...المعادن النفيسة لكي تبرق وتلمع ..لابد لها من إحتكاك شديد ....أكيد فكرتي وصلت ....
و يارب يجعل أيامك كلها سعيدةيا إسلام و يارب تنال رضا المولى في الدنيا و في الاخرة و ربنا يحفظك إنت و كل شباب المسلمين من رفقاء السوء .....
و ياجبل ما يهزك ريح هههههههههههه
تقبل مروري
ودمتم سالمين
أسيف
بجد يا بنت الجيران ردك بيفرق كتير معايا
بجد بجد منووووووووووووووووووره
وميرسي ع الكلام الجميل
إسلام عابد 04-03-2009, 02:10 AM اكتر حاجه بتوجعنى ان امسح دموع الغير وهو منساب على وجنتى
منوره الموضوع
وإنشالله ما تلاقي حااجه توجعك تاني في حيااتك
جيتار 04-03-2009, 03:28 AM موضوعك رائع يا اسلام
اما لمشكلتك انت فانت التقدر تحلها مش حد تانى يقولك تعمل ايه
الصاحب الخاين او ابو وجهين ميبقيش صاحب
شوف واسمع ايه الكلام ده صح الاول ولا لا
لو صح مقدرش أقول غير
<<الباب اليجى منواااا الريح سدووو وستريح>>
ولكتر حاجه بتوجعنى (الخيانه) وخيانة الصاحب بالذات
تسلم على موضوعك
ياااااااااااااه يا لومى
بجد موضوع جااااااااااااااامد اوى
وربنا يكون فى عونك
وانا اكتر حاجه بتوجعنى الظلم والكدب
واكتر حاجه بقى وجعانى دلوقتى
بجد حاسه انى بنظلم مع الناس
ومش قادرة ادافع عن نفسى لان ببساطه اكتر
مش مديني فرصه لكده
وبجدوحش اوى انك تكون نفسك تدافع
عن نفسك ومش قادر تواجهه الناس
راجية لقاء الله 04-12-2009, 10:59 AM أكتر حاجة توجع بالنسبة لي أنا و بتكلم عن تجربة "الفشل لدرجة انك توصل لليأس"
اكتر حاجه بتوجع انه حد يجرحك وخصوصا لو الحد ده انت واثق فيه قوى وفجأه اتغير وبقه شخص تانى واتغير معاك وفيه حاجه كمان وهى برضه صعبه وبتوجع لحظات الفراق والوداع واكيد الكل جربها" [COLOR="red"]اصعب احساس في الدنيا هو احساس الوداع دايما بيعدى في ثانيه دايما مليان اوجاع
انا اكتر حاجه بتوجعنى بجد الكدب والخيانه من اعز الاصدقاء
هاجر الشوربجى 04-16-2009, 09:20 AM انا كنت زيك كده يالومى لما بصاحب
واحده بديها كل ثقتى وبلاقى نفسى بعد
كده إختارت غلط بس برجع وأقول
كلنا بشرونخطأ وبلتمسلهم العذر
وكمان اكترحاجه بتوجعنى
لما ابقى واثقه فى واحدة قوى
وهى مش مديانى الثقة دى
إسلام عابد 06-21-2009, 03:54 PM ميرسي يا جماعه ع الردود الجميله
وإن شاء الله ما تشوفو أوجاااع من تاااني
انووش الشوربجى 06-21-2009, 11:59 PM موضوعك حلو اوى يالومى وخلينى اقولك
اكتر حاجه توجع لحظة الفراق حبيبك تلمحه
ودموعه رافضة تطلع وكانه حالا فاق على ايد بتدبحه
لالالالالالالالالالالالالالا ده تتر مسلسل افتكرته من عنوانك
لكن الجد بقى ..... كل حاجه مش متوقعه بتوجع
وقيس على كل حاجه وتحياتى على اختيارك للموضوع
إسلام عابد 06-22-2009, 01:42 AM موضوعك حلو اوى يالومى وخلينى اقولك
اكتر حاجه توجع لحظة الفراق حبيبك تلمحه
ودموعه رافضة تطلع وكانه حالا فاق على ايد بتدبحه
لالالالالالالالالالالالالالا ده تتر مسلسل افتكرته من عنوانك
لكن الجد بقى ..... كل حاجه مش متوقعه بتوجع
وقيس على كل حاجه وتحياتى على اختيارك للموضوع
هههههههههه
أنا قولت أنووش شكلها هتغني خلااص
بس بجد ميرسي على ردك الجميل
ويارب ما تشوفي حااجه وحشه أبدا
منوره التوبيك طبعا يا أنووش
انووش الشوربجى 06-22-2009, 07:02 PM ههههههههههههههههههههههههههه
تسلم يالومى ....... وميرسي جدا
إسلام عابد 12-18-2010, 10:02 AM السلام عليكم
أنا عارف إنه موضوع قديم
وقديم أووي كمان
بس أنا خلال فترة ركوض الموضوع ده إتغيرت كل وجهات نظري ف شتى المواضيع إللي بيتناولها
وإنتم إيه؟؟؟
زيي ولا زي مانتم ..
Mr.Yasser 12-18-2010, 01:05 PM أنا قريت الموضوع يا إسلام
وبجد فكرته مميزة
واحنا كبشر بتقابلنا مواقف وصعوبات
بعضها بيأثر فينا وبعضهم ما يقدر علينا
أحيانا نفهم الدنيا صح وأحيانا نفهمها غلط
ساعات بنوصل لمرحلة أننا نعتزل اللي حولينا
وعات بيقي الشفا موجود في اللي حولينا
بتتغير نظراتنا في مشاكلنا
لأن التغير من سماتنا
ممكن اللي أشوفه النهارده صح بكرة أشوفه غلط
ويمكن اللي كنت شايفه أمبارح غلط أشوفه النهارده صح
بس المهم أنك تعرف تشوفه كويس
مش تقييمه من ناحية واحدة
ياريت يا إسلام تنشط الموضوع ده
لأننا علي فترات بتوجعنا وتهزمنا الام
وأكيد لم بنفضفض مع بعض
هنستريح ياريييييييييييييس
اغلي من حياتي (T) 12-19-2010, 01:06 AM انا عن نفسي في كتير اوي حاجات
بتوجعني يعني مثلا اني اخاف علي حد ومش يقدرني
اني احب واصون واوفي واخلص ومالقيش حتي كلمه حلوه
واكتر حاجه بجد وجعتني ان الناس اللي عمري
ما كنت اتخيل في يوم تجرحني جرحتني
وللاسف كتير واقرب ناس لقلبي
ومشكلتك يا اسلام فيها من مشكلتي كتير
بس كل ما بوسعي اقوله
هما اللي هيخسروا لان صعب ان حد يلاقي
حد مخلص ومحب واكيد في يوم من الايام
هيندم كل الندم الذي وجعك
ويتمني ان العمر يرجع به علشان مايوجعكش
اتمني لك حياه افضل ودنيا بلا وجع
فكره جميله وياريت يا اسلام زي ما قال ياسر
الموضوع ده يتنشط لانه موضوع هام واكيد في حاجات كتير
بتوجعنا وعايزين نتكلم فيها وناقشها
ميرسي ليك يا اسلام
ودمت بخير يارب
أميرة الصباح 12-22-2010, 09:22 PM موضوع جميل
والانسان طبيعى انة يتوجع من الناس ومن اصدقاءة
بس اكيد لازم يغير من نفسة
ويكون قادر على تخطى ازماتة لكى يكون سعيد
ومش كل كلام يتقال له من اصدقاءة او غيرهم يجرحة لان ممكن يكون مش سليم او مش صحيح
شكرااااااااااا لموضوعك
بنوتة حدوتة 03-09-2011, 07:56 PM اسلام موضوعك بجد اكتر من رائع
انا الحاجة اللى فعلا بتوجعنى وتالمنى جدا
هى عدم الاهتمام والكذب والانانية وللاسف
فى ناس كتير عندهم الصفات دى دلوقتى...
اما بالنسبة لمشكلتك مع اصحابك بجد لازم تبعد
عن اى حد حاول يقلل منك ،لحد ما يعرفوا
انها غلطوا فى حقك
تحياتى ليك
منى الشوربجي 03-09-2011, 08:47 PM اكتر حآجة توجعـ فيـ لحظة الفرآقـ حبيبكـ تلمحوا
هههههههههههههههه
<< اوعى تزعلـ بهزر >>
بجد فكرة الموضوع جميلة جداً يآ إسلآمـ
وبجد أكتر حآجة بتوجع إنـ أي حآجة تحصلـ منـ ورآكـ ومنـ أقربـ النآسـ ليكـ
صعبه جداً جداً
وأنآ رأيي في أصحآبكـ دولـ إنكـ تكلمهمـ برآحة وتقولهمـ لو فيـ أي حآجة يقولوهآلكـ على طولـ
لكنـ ميتكلموشـ منـ ورآكـ انتوا مهمآ كنتوا أصحآبـ وزي الإخوآتـ ويمكنـ أكتر
تسلمـ يآ إسلآمـ وربنآ يهدي أصحآبكـ
تقبلـ مروري ..~
Hamdy Awad 03-09-2011, 09:20 PM موضوعك جميل اسلام
ولللاسف مفيش دلوقتي صحاب صح
Rooka 03-11-2011, 06:41 PM انا بصراحة اكتر حاجه بتوجعنى هى الخيانه سواء بقى من صديق من حبيب من جار كله بيوجع
وبالنسبة لموضوعك احسن حاجه انك تبعد عنهم لانك حتى لو واجهتهم وتكلمت معاهم ممكن يرجعوا ىتكلمو عليك تانى
اللى باعك بيعه
تسلم ايدك موضوع رائع
ميارامار 03-12-2011, 08:16 PM موضوع راااااائع
واكتر حاجة بتوجع الخيانة
سهم خبيث بيقتل القوب بدون اي رحمة
سما الشوربجى 04-20-2011, 09:02 PM اكتر حاجة بتوجعنى الكدب والخيانة والخداع والنفاق
مني محمد 04-27-2011, 06:37 PM اكتر حاجة بتوجعني الخيانه والكدب من اقرب صديقه
إسلام عابد 05-06-2011, 11:18 AM ياااه .. كل الناس إللي كانت بترد في الأخر مخدتش بالها إن الموضوع ده مكتوب من سنتين وشويه
هخخخخ
والله جه اليوم وبقى ذكرى .. شكراً ليكم .. نورتوا الموضوع ..
|