من زمااااااااااان مسألتش قلت اجى النهارده وجايب ليكم مجموعه اسئله والاسئله كلها اجبارى 000
- انت نازل من البيت الصبح ونفسك تشوف حد مشفتهوش قبل كدا من زمان ومره واحده تلاقيه قدامك -- حصلك دا اعترف امتى ومين
- طول اليوم قلقان من حاجه وحاسس ان فيه حاجه هتحصل وفعلا حصل حاجه زعلتك وضايقتك -- قول وما تخافش كلنا بيحصلنا
-عايز تعترف بحاجه لحد صاحبك وقاعد تلف وتدور وهوتلاقيه فاهمك --
يااخى متقول علطول
- تقدر وانت على المنتدى تكون صوره من خيالك لعضو متعرفوش
-لو فيه حد مش طايقه ممكن تقله
-لو فيه حد اذاك بجد وانت عارفه -- ليه سايبه وهو حاسس انك مش عارفه
- ايه اكتر حاجه تعباك دلوقتى
- ليه لما بنشوف العيب فلى حد تانى بنكبره ولما بيطلع منا بنعذر اللى اتهمناهم قبل كدا

- انت نازل من البيت الصبح ونفسك تشوف حد مشفتهوش قبل كدا من زمان ومره واحده تلاقيه قدامك -- حصلك دا اعترف امتى ومين

من مدة قصيرة وكانت صديقتي

- طول اليوم قلقان من حاجه وحاسس ان فيه حاجه هتحصل وفعلا حصل حاجه زعلتك وضايقتك -- قول وما تخافش كلنا بيحصلنا

رسالة وصلتني غير مرغوب فيها وفعلا اضايقت
-عايز تعترف بحاجه لحد صاحبك وقاعد تلف وتدور وهوتلاقيه فاهمك --
يااخى متقول علطول

خايفة اقول له اتفهم غلط
- تقدر وانت على المنتدى تكون صوره من خيالك لعضو متعرفوش

الاحساس بيكون قريب من الحقيقة

-لو فيه حد مش طايقه ممكن تقله

ممكن اتجاهله كانه مش موجود

-لو فيه حد اذاك بجد وانت عارفه -- ليه سايبه وهو حاسس انك مش عارفه

مش حسيبه وانما حبين له اني عارفه


- ايه اكتر حاجه تعباك دلوقتى

انه مش عارف اني عارفة

- ليه لما بنشوف العيب فلى حد تانى بنكبره ولما بيطلع منا بنعذر اللى اتهمناهم قبل كدا

التجربة بتكون حقيقة بتعشها لو جربت اكيد حتعذر

مشكووووووور استاذ عادل على الطرح ولو انك خلتني اسرح في خيال واسع عارفة بدايته لكن مش عارفى نهايته

من زمااااااااااان مسألتش قلت اجى النهارده وجايب ليكم مجموعه اسئله والاسئله كلها اجبارى 000

طب ما احنا مع بعض على طول اسالنى يا عادل ما تكسفش ههههههههههههههه

- انت نازل من البيت الصبح ونفسك تشوف حد مشفتهوش قبل كدا من زمان ومره واحده تلاقيه قدامك -- حصلك دا اعترف امتى ومين

هوة حصلى موقف مشابه بس غريب قوى كنت انا وامى بنتمشى وعماله بقولها على عضوتنا الحلوة هميس ومرة واحدة لقيت هميس قدامى كانت مفاجأه عسل والله ههههههههه
- طول اليوم قلقان من حاجه وحاسس ان فيه حاجه هتحصل وفعلا حصل حاجه زعلتك وضايقتك -- قول وما تخافش كلنا بيحصلنا
-عايز تعترف بحاجه لحد صاحبك وقاعد تلف وتدور وهوتلاقيه فاهمك --
يااخى متقول علطول

ممكن بتحصل برضة بس حقولهالك بينى وبينك ههههههههههههه

- تقدر وانت على المنتدى تكون صوره من خيالك لعضو متعرفوش

لا ما اقدرش

-لو فيه حد مش طايقه ممكن تقله

لا طبعا دى تبقى قلة ذوق

-لو فيه حد اذاك بجد وانت عارفه -- ليه سايبه وهو حاسس انك مش عارفه

سيبة لربنا هوة المنتقم

- ايه اكتر حاجه تعباك دلوقتى

موسم امتحانات ولادى ربنا يعديها على خير

- ليه لما بنشوف العيب فلى حد تانى بنكبره ولما بيطلع منا بنعذر اللى اتهمناهم قبل كدا

هى دى طبيعة الانسان...
بس رايى من زمان ان لازم المسلم يعذر اخوة المسلم

:mAngry2::mAngry2:

وشكرا يا عادل على الاستجوابات دى

من زمااااااااااان مسألتش قلت اجى النهارده وجايب ليكم مجموعه اسئله والاسئله كلها اجبارى 000

- انت نازل من البيت الصبح ونفسك تشوف حد مشفتهوش قبل كدا من زمان ومره واحده تلاقيه قدامك -- حصلك دا اعترف امتى ومين
هو مش قدام البيت بس لسه النهارده فى تدريب شفت واحدة كانت دفعتى مشفتهاش من اخر يوم امتحانات وكنت لسه بتكلم عنها مع واحدة صاحبتى

- طول اليوم قلقان من حاجه وحاسس ان فيه حاجه هتحصل وفعلا حصل حاجه زعلتك وضايقتك -- قول وما تخافش كلنا بيحصلنا

برده للاسف النهارده كنت متوقعه قرار نقلى من مدرستى بس متوقعتش انه يحصل بسرعه كده ...بجد كان معايا ناس جميله وكويسه ....
-عايز تعترف بحاجه لحد صاحبك وقاعد تلف وتدور وهوتلاقيه فاهمك --
يااخى متقول علطول
والله فى ناس نفسي اقولهم اخرة كدبكم على نفسكم ايه وامتى هتفوقوا وتعقلوا
- تقدر وانت على المنتدى تكون صوره من خيالك لعضو متعرفوش
اه اكييد عملت صورة لكذا حد
-لو فيه حد مش طايقه ممكن تقله
لا اقووول في وشه كده لا لكن ممكن باسلوب تعامل احسسه وغالبا اى حد بيدايقنى بتجاهله خالص
-لو فيه حد اذاك بجد وانت عارفه -- ليه سايبه وهو حاسس انك مش عارفه
ربناااااااا كبييييير يخلص لى حقى ساعتها
- ايه اكتر حاجه تعباك دلوقتى
اكتر حاجه ان فى ناس تحس انك لما تنصحها وتتمنلها الخير تبقى فاهمة ان كل كلامك ده وراه هدف وانه مش لوجه الله
- ليه لما بنشوف العيب فلى حد تانى بنكبره ولما بيطلع منا بنعذر اللى اتهمناهم قبل كدا
علشان يمكن اللى ايده فى الميه مش زى اللى ايده فى النار

اسئله جميله جدا وانتقاء طرحها راااائع
تسلم استاذ عادل ودمت بكل خير

- انت نازل من البيت الصبح ونفسك تشوف حد مشفتهوش قبل كدا من زمان ومره واحده تلاقيه قدامك -- حصلك دا اعترف امتى ومين
انا كنت في القاهره وكنت فعلا بفكر في واحد صاحبي
من أول ما صحيت وكنت عايز أكلمه في التيليفون لأني مشفتوش من زمان
نزلت من العماره لاقيته تحت وطلع جاري في نفس المكان
- طول اليوم قلقان من حاجه وحاسس ان فيه حاجه هتحصل وفعلا حصل حاجه زعلتك وضايقتك -- قول وما تخافش كلنا بيحصلنا
لأ هو ممكن العكس أني أكون حاسس ان حاجه كويسه هتحصل وتحصل فعلا
-عايز تعترف بحاجه لحد صاحبك وقاعد تلف وتدور وهوتلاقيه فاهمك --
يااخى متقول علطول
أه واحد صاحبي كنت ببلغه النتيجه وهو شايل ماده وكنت مش عارف أجيبهاله أزاي بس هو كان حاسس
- تقدر وانت على المنتدى تكون صوره من خيالك لعضو متعرفوش
ياااااه لأ دا أنا خيالي قوي تقدر تقول أني مكون صوره عن كل واحد في المنتدي لأن الغالبيه ماشوفتهمش لسا...
-لو فيه حد مش طايقه ممكن تقله
والله قبل الجيش كنت فظيع كنت أللي مش طايقه بقله في وشه علطول بس بصراحه خسرتني كتير لكن بعد الجيش الموضوع ده مش موجود نهائي
-لو فيه حد اذاك بجد وانت عارفه -- ليه سايبه وهو حاسس انك مش عارفه
أقول لحضرتك كان معايا زميل في شقه القاهره إشتغل عليا الكدب كله من كدب في الدورات لكدب حتي في إيجار الشقه ونصب علينا في الباقي المهم تقدر تقول بني أدم مش كويس كله ده حصل وهو فاكر أني غبي أو مش واخد بالي بس أنا برضه ما قولتلوش لأن هو زباله ومش هيتغير لو قلتله مش هكسب حاجه غير اني خسرته
- ايه اكتر حاجه تعباك دلوقتى
داخل علي نظام جديد في الشغل وخايف صراحه مع إني مستعدله
- ليه لما بنشوف العيب فلى حد تانى بنكبره ولما بيطلع منا بنعذر اللى اتهمناهم قبل كدا
"لا تنهي عن شئ وتأتي بمثله عار عليك إذا فعلت عظيم"
بيحصل بس ممكن يكون الواحد واخد فكره غلط الاول

شكرا أستاذ عادل علي الموضوع الجميل

http://photos.azyya.com/store/up2/0901241215335tCE.gif

المعني في بطن الشاعر عنوان جااااااااامد
اكيد هرجع ارد
عشان عجبتني الاسئلة اقوووووي