خطة تطوير المنتدى [الأرشيف] - .:: منتديات حدوته ::.

مى العيادى

03-02-2009, 06:38 PM

الموضوع دة كان شاغلنى من زمان بصراحة..والحمدلله على كل حال ..جة وقتة المناسب

عاوزين نعمل فريق عمل كلنا ننضم لية وهدفة الاساسى تطوير حدوتة باحدث الطرق المتبعة فى المجال دة

يعنى مش محتاجين مجرد افكار منكوا وبس..لا محتاجين بحث عن اجدد واحدث وافضل الافكار لتطوير المنتدى واشهارة على مستوى واسع

وهنا ياريت كل واحد يحط افكارة ونتعاهد كلنا اننا نخصص ساعة على الاقل يوميا من كل واحد فينا لتطوير واشهار المنتدى باى طريقة..

انا محتاجة من الناس اللى هنا تدينا افكار للتطوير وياريت نرتب مع بعض كل واحد يقدر يعمل اية ..

حدوتة محتاجة منكو التعب ..وانا متأكدة ان الكل هنا عندة استعداد للتعب دة واكتر

مى العيادى

03-02-2009, 06:46 PM

انا عندى شوية افكار على أدى

هعرضها عليكو ونتناقش فيها..

- تبدال الاعلانات مع المنتديات الاخرى.
- الاعلان عن المنتدى فى غرف الشات والفيس بوك وماشابة.
- تنزيل اخبار المنتدى سواء فيديوهات او صور لرحلات الكلية او اجتماعات حدوتة على اليوتيوب .

بس كدة دلوقتى بس اكيد انتوا عندكوا افكار تانية..وياريت اعرف رايكوا فيها

Jimmy

03-02-2009, 06:58 PM

جميلة الفكرة جدا بس عايزة تنظيم وعايزة أفعال مش مجرد أقوال .......
عندنا أفكار كتير وعندنا ناس تقدر تحقق الافكار دي .....

أتمني أن نجمع أفكارنا و أختيار الأصلح منها و الواقعي ....... و انا معاكم في تطوير المنتدي في أي مكان و أي وقت يسمح .....

جزاكي الله خيرا أم مايا ......

مى العيادى

03-02-2009, 07:00 PM

طبعا ياجيمى عاوزين تنظيم وافعال ..

ورورنا الهمة والافكار وياريت نهتم لان الوقت دة صعب اوى ولازن باى طريقة تقوم اقوى من الاول ان شاء الله

maha ayadi

03-02-2009, 07:05 PM

فكرة جميلة وفى وقتها لاننا عايزين تنظيم ونعرف كمان احنا حنعمل اية

حدوتة عايزة وقفة جامدة بجد

وانشالله بصبرنا وهمتنا حتبقى احسن من الاول

رجعالك بافكار يا ام مايااااااااااااااا

مى العيادى

03-02-2009, 07:12 PM

مستنياكى يافاتيما ومستنية كلللللللللللللللللللللل الاعضاء اللى هنا

م/ حسن جعفر

03-02-2009, 10:03 PM

مى العيادى

03-03-2009, 02:09 PM

بسم الله الرحمن الرحيم
عندي اقتراح مبدئي عمل فريق يسمي
الفريق الاعلامي لمجموعه حدوته
ودي مسئوليتها :
1- الاتصال باكبر كدد من مدرين المنتديات وعمل اتصال مابينهم وبين منتدي حدوته (تبادل اعلاني )
2- عمل ميزانيه مخصصه للدعايا والاعلان من صندوق المنتدي ان وجد
3- عمل جروب علي الفيس بوك للدعايا علي المنتدي حدوته
4- جميع محبي منتدي حدوته ارسال لينك المنتدي لتنشيط المنتدي
5- تكثيف عمل اجتمااعاتنا للاتفاف حول كلمه واحده ( حدوته )
6- عمل يفط قماش للاعلان عن المنتدي ونشاطاته ( الجمعيه ، القريه )

اقتراحات جميلة اوى اوىىىىىىىىىىى
وعاوزين نتفرغ للموضوع دة ونحدد يوم بدأ نشاطتنا وبالنسبة للجرب انا اكتشفت انة موجود فعلا جروب عاملة مودى الشوربجى وعماد بس محدش اعلن عنة فى المنتدى..ممكن نبدأ منة طبعاااا..والتبادل الاعلانى طبعا مهم جدا ودة عاوزين راى الادارة فية كمان ..ياريت نهتم بالموضوع شوية ..وعاوزين فعلا نعمل الفريق وكل من يرغب الانضمام لية ينضم..عااااااااااااااااااوزين اهتماااااااااااااااااااااااااام

عبد الهادى

03-03-2009, 02:12 PM

انا معاكم في تطوير المنتدي في أي مكان و أي وقت

مى العيادى

03-03-2009, 02:19 PM

شكرا عبد الهادى ..واحنا متأكدين انك معانا عمرك ما بتتأخر على حدوتة ابداااااااااااااااا

ربنا يخليك لحدوتة انت وشبابها المخلصين

أسيف

03-03-2009, 02:23 PM

حدوتة في عنينا من جوا و إحنا حاضرين بأى أوامر ....و بعون الله هتبقى أحلى و أحسن من الأول .......

تسلمي أم مايا لأفكارك المميزة ...و لو في أفكار هتجد علينا فإن شاء الله هيتم عرضها هنا....

جزاك الله كل خير

ودامت حدوتة بخير

ودمتم سالمين

أسيف

مى العيادى

03-03-2009, 02:27 PM

شكرا يا اسيف ليكى وان شاء الله كل واحد فينا هيكونلة دور بس عاوزين شوية ترتيب والبركة فى الشباب

م/عصام الشبت

03-03-2009, 02:55 PM

ناصر عطيه

03-03-2009, 03:43 PM

مى العيادى

03-03-2009, 04:15 PM

شكرا ام مايا لموضوعك الجميل واللى حدوتة محتاجها من فعلا

واتمنى من كل الاعضاء ينضمو ويشاركو معانا فى اقتراحتهم لرقى حدوتنا الغالية
ونحن كادارة حدوتة ان شاء الله مع اقتراحتكم والاصلح ان شاء الله
وانا عضو فى مجلس ادارة حدوتة عندى كام اقتراح
1-عمل داورات تدربية للمراقبين والمشرفين والمشرفات
2-تعريف العضو المستجد بخريطة المنتدى
3-عمل شهادات تقيم للعضو المميز والمشرفين والمراقبين والموضوع المميز ايضا
4-عمل دليل ارشارى للاعضاء الجدد(ازى يدخل يعرف نفسة +ازاى يعمل ويشارك فى موضوع+ازاى يعمل توقيع+ ازاى يحمل الصور)
واخير انا معاكم فى كل جديد لرفعة حدوتنا الغالية

وشكرا ليكى يا ام مايا

افكار ممتازة بردة ومحتاجينها لواجهة منتدانا وكمان لازم تتعمل اليومين دول
بتهيألى انها مش محتاجة عمل جماعى ..يعنى ممكن نقسمها علينا وكل واحد فينا يعمل موضوع مثبت بالمعلومات دى
بس عاوزييييييييييييييييين ترتييييييييييييييب..عاوزين تقسيم المهمام دى كلها على اشخاص بالفعل..
شكرا يا بشمهندس على اهتمامك بالموضوع

مى العيادى

03-03-2009, 04:20 PM

فكرة جميلة جدا خطة التطوير

وفى اقتراحات جميلة جدا اتقالت

بس المهم عشان متتكررش نفس اللى حصل

يبقى فى حد متخصص ياخد باك اب للقاعدة يومى او على قد ما يقدر
ودة عشان تفادر اى حاجة تحصل

تشجيع الاعضاء من تانى
لان فى بعض ناس بتصيب بالاحباط بعد حاجة زى دى

عوامل الجذب ف المنتدى اللى بتشد الزائر او العضو انة يكتب فية ودى مهمة جدا

دة بجانب التبادل واليوتيوب والجروب والكلام دة كلة

فعلا ياكونت انت كلامك مهم جداااااااا وبالفعل بدأنا ناخد باك اب كل فترة لضمان الاستمرارية..
واكيد هناخد فى اعتبارنا كلامك عن عوامل الجذب فى المنتدى..واعتقد محتاجين موضوع مستقل عن الموضوع دة لتعليم الاعضاء بعض الحيل لزيادة الردود وتسجيل الاعضاء لمشاهدة موضوعهم..
شكرا على مداخلتك ياكونت

مى العيادى

03-03-2009, 04:22 PM

موضوع ممتاز جدا ومهم للغايه
وعايزين وقفه جامدة ومحتاجه اجتماعات
مستمرة لمجلس الادارة
لتقنين وتفعيل المنتدى حسب ما يقترح
كل من الاعضاء ومجلس الاداره
اشكرك ام مايا على افكارك الجميله

يد بيد الى النجاح والتقدم

ايوة يا ا. ناصر محتاجين اجتماعات لتقنين وتفعيل الاقتراحات فعلاااااااااا

وانا عن نفسى هرتب الافكار والاقتراحات كل فترة واكتب بيها تلخيص

بس محتاجين متابعة من الادارة وتوجية ..شكرا لرأيك الهام

نور حدوتة

03-03-2009, 07:42 PM

فكره رااااائعه جدا جدا ياام مايا

وربنا يوفقنا جميعا ونقدر ندى حدوتة حقها بجد اللى لسه ما وفناهوش
وان شاء الله نحاول نفكر فى كل جديد ونيجى نقولك

م. محمد علي رضوان

03-03-2009, 08:00 PM

عمرو

03-03-2009, 08:15 PM

مى العيادى

03-03-2009, 08:24 PM

فكره رااااائعه جدا جدا ياام مايا

وربنا يوفقنا جميعا ونقدر ندى حدوتة حقها بجد اللى لسه ما وفناهوش
وان شاء الله نحاول نفكر فى كل جديد ونيجى نقولك

يارب يانووووور ياااااااارب ومستنياكى تمخمخى وتجينى تانى

مى العيادى

03-03-2009, 08:43 PM

السلام عليكم ورحمة الله وبركاته

أحب طبعا أبدي آرائي لتطوير منتدى حدوتة

بالنسبة للباك اب ممكن ترجعو المعلومات كلها لاني اعرف ان جوجل تحتفظ بمعلومات الموقع المضاف عليها لفترة ،، وفيه مواقع بتحط فيها لينك بيجبلك الموقع وكل محتوياته خلال سنتين

وممكن نكتب منتدى حدوتة على جوجل وندوس نسخة مخبأة وتشوفوا حدوتة القديمة ،، وعندي كمان اقتراحات بديلة :

أولا تغيير الاستايل ويكون احسن واجمل واروع من اخر استايل اتعمل قبل اللي حصل لحدوتة ،، فالمنظر الخارجي اهم شئ وهو كالرحيق الذي يجذب النحل

ثانيا تغيير اسم المنتدى لاسم تاني ، وعلشان نحس ان كل حاجة جديدة مش لما نسمع اسم حدوتة نقول خلاص ونفتكر اللي حصل وده سبب من الاسباب ، طبعا الاسم ليه تاريخ معانا بس ميمنعش اننا نعمل تاريخ جديد

ثالثا ،، عمل اقسام وفروع يغلب عليه الطبع الاسلامي وانواع علومه فوالله ان حدث ذلك سترون سرعة النمو بدرجة رهيبة

اقبلوا نصيحتي المتواضعة

وفيه اقتراحات تانية بس مش دلوقتي عقبال ما نرتب الافكار

وعليكم السلام يامحمد نورت الموضوع

بالنسبة للبيك اب عن طريق جوجل بتهيالى النسخة بتكون للواجهة وبس ولكن مش للمنتدى كلة والمواقع كمان اللى انت بتقول عنها مابتجبش محتويات الموقع ..ولو فعلا انت جربت غير كدة قوللى ..

بالنسبة للستايل فعلا هوة حاجة مهمة واحنا كل فترة بنحب نغير الستايل كنوع من التجديد ومش هنقف والموضوع دة حاجة سهلة..

اسم المنتدى بقة ..انا مش قادرة افهم وجهة نظرك فى تغيير اسم المنتدى..انت بنفسك بتقول ان الاسم لية تاريخ ..لية بقة نبدأ من اول وجديد؟؟..مش عشان المنتدى اتفرمت يبقة تاريخة مش مهم او مالوش تاريخ بالعكس اهم حاجة الاسم وسمعة الاسم دة..
ثم اللى حصل لحدوتة حصل لمنتديات كتيراوى ومنتديات كبيرة ومشهورة ومافيش منتدى غير اسمة ..

والاقسام والفرع الاسلامى ماهى موجودة يامحمد ولو فية فكرة لقسم جديد مش موجود ياريت تقول علية مافيش اجمل من القسم دة طبعااااااااا..

منتظرين اقتراحاتك التانية يامحمد ونورت الموضوع

مى العيادى

03-03-2009, 08:52 PM

بسم الله الرحمن الرحيم

اولا : احب ان اقول انه لى الشرف انى متواجد الان فى منتدي حدوته
ثانيا : انا لى بعض الافكار وان شاء الله اساعدكم فيها
أ: تغير الاستايل وتنزيل صندوق المحادثة فى الاصدار الاخير من الاستايلات
ب: انا عندى استايل وممكن اصمم عليه خلفية حلوة مكتوب عليها حدوته
ج: ممكن عمل قسم خاص بالفوتوشوب ونعمل دروس فوتوشوب فيها بالصور ومكتوب عليها حدوته
بحيث اذا سرق الموضوع بيكون معروف الاصل بتاعه منين وبذلك بنجيب اعضاء
د: بنعمل تبادل اعلانى بين المنتديات ( ممكن اعلم تبادل اعلانى بين منتداى الخاص :: طريق الابداع:: و منتدى حدوته ::
هـ: بس كدة كفاية بس حبيت اقول لكم اللى حابب يطبق الافكار دى ممك يضيفنى على الايميل تم حذف الايميل للمخالفة وانا اتمنى انى اخدم اسرة حدوته وما فيها
مع خالص تحياتى
عمرو

اهلا بيك ياعمرو فى حدوتة وفى موضوعى

بالنسبة للستايل اكيد هيتغير ودة موضوع سهل..وصندوق المحادثات كمان مافيش مشاكل علية بس اكيد احنا عاوزين دلوقتى ان الاعضاء يوجهوا نشاطهم كلة للاقسام ومحاولة تعويض المواضيع المحزوفة..

وبالنسبة كمان للستايل اللى عندك مافيش اى مانع من انك تعرضة فى قسم التطوير والستايلات واكيد الادارة والاعضاء هيدوك رايهم فية ..شكرا ليك طبعاااا

موضوع الفوتوشوب دة موضوع وفكرة ممتااااااااااازة وانا معاك فيها جدا جداااااا..
ولحين فتح قسم خاص بالفوتوشوب ممكن نستخدم قسم التطوير بتهيالى..

وموضوع كمان التبادل الاعلانى طرحناة قبل كدة ومنتظرين توجيهات الادارة فية ..لكن الفكرة ممتازة

شكرا ليك ياعمرو فعلا افكارك ممتازة جداااااا..ومنتظرين مجهودك معانا
والايميل ممنوع كتابتة وتم حزفة بواسطة مراقبنا العام جيمى

Jimmy

03-03-2009, 08:59 PM

بسم الله الرحمن الرحيم

اولا : احب ان اقول انه لى الشرف انى متواجد الان فى منتدي حدوته
ثانيا : انا لى بعض الافكار وان شاء الله اساعدكم فيها
أ: تغير الاستايل وتنزيل صندوق المحادثة فى الاصدار الاخير من الاستايلات
ب: انا عندى استايل وممكن اصمم عليه خلفية حلوة مكتوب عليها حدوته
ج: ممكن عمل قسم خاص بالفوتوشوب ونعمل دروس فوتوشوب فيها بالصور ومكتوب عليها حدوته
بحيث اذا سرق الموضوع بيكون معروف الاصل بتاعه منين وبذلك بنجيب اعضاء
د: بنعمل تبادل اعلانى بين المنتديات ( ممكن اعلم تبادل اعلانى بين منتداى الخاص :: طريق الابداع:: و منتدى حدوته ::
هـ: بس كدة كفاية بس حبيت اقول لكم اللى حابب يطبق الافكار دى ممك يضيفنى على الايميل تم حذف الايميل للمخالفة وانا اتمنى انى اخدم اسرة حدوته وما فيها
مع خالص تحياتى
عمرو

الأخ عمرو

نحن نرحب بأي شئ يفيد المنتدي ........

بالنسبة لموضوع الاستايل كما قالت المراقبة العامة ام مايا اعرضه ....

وبالنسبة لدروس الفوتوشوب ........ يلا اعمل دروسك و اعرضها علي حدوته الدورات التدريبية .......

وبالنسبة لحذف الايميل تم حذفه للمخالفة لأنه ممنوع كتابة الايميلات و روابط المنتديات داخل المشاركات او في الرسائل الخاصة .....

Jimmy

03-03-2009, 09:06 PM

السلام عليكم ورحمة الله وبركاته

أحب طبعا أبدي آرائي لتطوير منتدى حدوتة

بالنسبة للباك اب ممكن ترجعو المعلومات كلها لاني اعرف ان جوجل تحتفظ بمعلومات الموقع المضاف عليها لفترة ،، وفيه مواقع بتحط فيها لينك بيجبلك الموقع وكل محتوياته خلال سنتين

وممكن نكتب منتدى حدوتة على جوجل وندوس نسخة مخبأة وتشوفوا حدوتة القديمة ،، وعندي كمان اقتراحات بديلة :

أولا تغيير الاستايل ويكون احسن واجمل واروع من اخر استايل اتعمل قبل اللي حصل لحدوتة ،، فالمنظر الخارجي اهم شئ وهو كالرحيق الذي يجذب النحل

ثانيا تغيير اسم المنتدى لاسم تاني ، وعلشان نحس ان كل حاجة جديدة مش لما نسمع اسم حدوتة نقول خلاص ونفتكر اللي حصل وده سبب من الاسباب ، طبعا الاسم ليه تاريخ معانا بس ميمنعش اننا نعمل تاريخ جديد

ثالثا ،، عمل اقسام وفروع يغلب عليه الطبع الاسلامي وانواع علومه فوالله ان حدث ذلك سترون سرعة النمو بدرجة رهيبة

اقبلوا نصيحتي المتواضعة

وفيه اقتراحات تانية بس مش دلوقتي عقبال ما نرتب الافكار

اولا مشكور اخ محمد ......

بالنسبة لموضوع الاستايل دي حاجة سهلة جدا و علي فكرة الاستايل الحالي مش هايكون اساسي لأنه ده استايل غير كامل التصميم و احنا حطيناه عشان ضيق الوقت بس ....

اما بالنسبة لموضوع تغيير اسم المنتدي ده مرفوض بالمرة ........... يعني كده احنا نبدأ من جديد ؟؟؟ مش معني اننا في أزمة اننا نعمق من جراحنا ؟؟؟!!!

اما بالنسبة للقسم الديني ...... أعرض اي فكرة لقسم مش موجود و يكون مفيد وأكيد هتلاقينا أول المؤيدين لأي شئ يفيد الأعضاء ....

Jimmy

03-03-2009, 09:14 PM

اتمني من الجميع قبل وضع الأفكار ان يضعوا في اعتبارهم أن تكون الأفكار واقعية و يمكن تنفيذها وليست أفكار خيالية

تقبلوا تحياتي ......

مى العيادى

03-04-2009, 02:38 PM

عندى فكرتين تانيين ..

- عاوزين هاكات للمنتدى بتاعة اخفاء الروابط على غير المسجلين وهاك اخفاء او عدم نسخ الصورة لغير المسجلين بردة. واعتقد ان دى ممكن تزيد نسبة الاعضاء اللى بيسجلوا عندنا

- عاوزين شرح للاعضاء لكيفية استخدام خاصية المحتوى الخفى اللى بتزيد من نسبة ردود الموضوع اوووووووووى

ها اية رايكو فى دوووووول؟؟

م. محمد علي رضوان

03-04-2009, 07:30 PM

Jimmy

03-04-2009, 07:36 PM

Jimmy

03-04-2009, 07:40 PM

مى العيادى

03-04-2009, 07:40 PM

فكرة رااائعة

شكرا يامحمد ..ولسة فى انتظار افكارك المتميزة

أفكار جميلة ....... بس هاتنفع في الموضوعات اللي بنزل فيها حصريات او دروس او برامج ........ دي مفروض من بدري شغالين بيها ......

شكرا ياجيمى ..وخلاص بقة من هنا ورايح هندخل فى الزمن ونعيش فى 2009 ان شاء الله ههههههههههه

مى العيادى

03-04-2009, 07:44 PM

انا كمان عرضت فكرة بخصوص ألوان مجموعات الأعضاء

ونزلتها في موضوع علي الرابط ده .......
http://www.hadoota.com/vb/showthread.php?t=333

اتمني ان أ/احمد يشوفها شكلها أفضل بكتير

حلووووووووو جداااااااااا ..بس بصراحة هوة محتاج ستايل جامد زى ستايلات قهوة كتكوت والمصريين..ياريت لو تقدر تعملنا ستايل زى دة انا عارفة انة محتاج شغل جامد اوووووووى

Jimmy

03-04-2009, 08:25 PM

حلووووووووو جداااااااااا ..بس بصراحة هوة محتاج ستايل جامد زى ستايلات قهوة كتكوت والمصريين..ياريت لو تقدر تعملنا ستايل زى دة انا عارفة انة محتاج شغل جامد اوووووووى

اممممممممممممممم

علي فكرة دلوقتي نسخة منتدانا أحدث من قهوة كتكتوت ...........

وممكن أعمل حاجات أفضل من دي كمان ....... انا مشغل كذا استايل علي منتدي تجريبي عني أحسن من الاستايل اللي شغال ده دلوقتي ...... هههههههههههه

ان شاء لله الاستايل الجاي يكون مفاجاااااااااااة ..........

Jimmy

03-04-2009, 08:39 PM

أفضل الأفكار التي تم عرضها حتي الآن ................
التبادل الإعلاني مع المنتديات الأخري.
- عمل حملة إعلانية عن المنتدي في المواقع كثيرة الأنتشار مثل (Face Book).
- عمل أوسمة و شهادات للعضو المميز والمشرفين والمراقبين والموضوع المميز.
- عمل دليل للأعضاء الجدد (كيفية تعريف نفسه و عمل مشاركات و مواضيع – إضافة توقيع).
- عمل Back Up لقاعدة البيانات من وقت للآخر.
- إضافة هاكات اخفاء الروابط و اخفاء محتويات الموضوعات لزيادة الأعضاء.
- تغيير الأستايل المؤقت ووضع استايل دائم واضافة هاكات جديدة تضيف لشكل المنتدي.

مى العيادى

03-04-2009, 09:08 PM

والبااااااانر ياجيمى هههههههههههههههههه عرفت اقولة صح هههههههههههههههههه

شكرا ياجيمى على اهتمامك بالموضوع وشكرا على تلخيص الافكار بالطريقة المرتبة دى

واسمحلى اضيف خطوة صغيرة عليها

-التبادل الإعلاني مع المنتديات الأخري.
طبعا فى انتظار موافقة الادارة فيها
- عمل حملة إعلانية عن المنتدي في المواقع كثيرة الأنتشار مثل (Face Book).
دى حاجة ممكن نبدا فيها ونقدر نعمل بيها موضوع مستقل ونناقش فيها الفكرة وتنفيزها
- عمل أوسمة و شهادات للعضو المميز والمشرفين والمراقبين والموضوع المميز.
طبعا ربنا معاك ياجيمى انت ومديرنا احمد العيادى الموضوع عليكوووووو
- عمل دليل للأعضاء الجدد (كيفية تعريف نفسه و عمل مشاركات و مواضيع – إضافة توقيع).
دة بردة احنا ممكن نقوم بية لوحدنا..موضوع مستقل ونعمل جدول علينا كل واحد موضوع
- عمل Back Up لقاعدة البيانات من وقت للآخر.
مديرنا احمد العيادى
- إضافة هاكات اخفاء الروابط و اخفاء محتويات الموضوعات لزيادة الأعضاء.
جيمى واحمد العيادى
- تغيير الأستايل المؤقت ووضع استايل دائم واضافة هاكات جديدة تضيف لشكل المنتدي.
جيمى واحمد العيادى

يعنى من الاخر الموضوع وقف عليك بخسارة ياجيمى ههههههههههههههههههههههه

كدة نبدأ فى تنفيز اللى نقدر علية ..على فكرة حرف الزال عندى بايظ عشان كدة بكتبة زين

مى العيادى

03-04-2009, 09:17 PM

اممممممممممممممم

علي فكرة دلوقتي نسخة منتدانا أحدث من قهوة كتكتوت ...........

وممكن أعمل حاجات أفضل من دي كمان ....... انا مشغل كذا استايل علي منتدي تجريبي عني أحسن من الاستايل اللي شغال ده دلوقتي ...... هههههههههههه

ان شاء لله الاستايل الجاي يكون مفاجاااااااااااة ..........

اكيد ان شاء الله ياجيمى احنا عارفين امكانياتك..بسم الله ماشاء الله عليك عشان ماتقوليش حسدتك هههههههههههه..عاوزين حاجة جامدة كدةةةةةةة وحاجات بتتحرك واشكال جديدة ..مستنيييييييييين

عمرو

03-05-2009, 07:00 AM

Jimmy

03-05-2009, 10:55 AM

والبااااااانر ياجيمى هههههههههههههههههه عرفت اقولة صح هههههههههههههههههه

شكرا ياجيمى على اهتمامك بالموضوع وشكرا على تلخيص الافكار بالطريقة المرتبة دى

واسمحلى اضيف خطوة صغيرة عليها

-التبادل الإعلاني مع المنتديات الأخري.
طبعا فى انتظار موافقة الادارة فيها
- عمل حملة إعلانية عن المنتدي في المواقع كثيرة الأنتشار مثل (face book).
دى حاجة ممكن نبدا فيها ونقدر نعمل بيها موضوع مستقل ونناقش فيها الفكرة وتنفيزها
- عمل أوسمة و شهادات للعضو المميز والمشرفين والمراقبين والموضوع المميز.
طبعا ربنا معاك ياجيمى انت ومديرنا احمد العيادى الموضوع عليكوووووو
- عمل دليل للأعضاء الجدد (كيفية تعريف نفسه و عمل مشاركات و مواضيع – إضافة توقيع).
دة بردة احنا ممكن نقوم بية لوحدنا..موضوع مستقل ونعمل جدول علينا كل واحد موضوع
- عمل back up لقاعدة البيانات من وقت للآخر.
مديرنا احمد العيادى
- إضافة هاكات اخفاء الروابط و اخفاء محتويات الموضوعات لزيادة الأعضاء.
جيمى واحمد العيادى
- تغيير الأستايل المؤقت ووضع استايل دائم واضافة هاكات جديدة تضيف لشكل المنتدي.
جيمى واحمد العيادى

يعنى من الاخر الموضوع وقف عليك بخسارة ياجيمى ههههههههههههههههههههههه

كدة نبدأ فى تنفيز اللى نقدر علية ..على فكرة حرف الزال عندى بايظ عشان كدة بكتبة زين

وأي خسارة هههههههههههههههههههههه
بالنسبة لموضوع الهاكات انا ممكن أجيب هاكات بس انما التركيب من صلاحيات أ/أحمد بس ......

عموما معنديش مشكلة انا بدأت بهاك ألوان المجموعات الفلاشية وهانشوف رد الفعل ايه.

أتمني تواجد أحد أفراد طاقم الإدارة معانا ويشاركنا الحوار .

Jimmy

03-05-2009, 11:11 AM

اكيد ان شاء الله ياجيمى احنا عارفين امكانياتك..بسم الله ماشاء الله عليك عشان ماتقوليش حسدتك هههههههههههه..عاوزين حاجة جامدة كدةةةةةةة وحاجات بتتحرك واشكال جديدة ..مستنيييييييييين

جزاك الله خيرا ام مايا ..............

ان شاء لله قريبا جدا بعد الانتهاء من جميع اعمال المنتدي

مى العيادى

03-05-2009, 11:17 AM

فكرة ممتازة وان شاء الله انا بدات اصمم استايل جديد وهركب عليه كل الهاكات الجديدة والخفيفة وان شاء الله يعجبكم وانا شايف من وجهة نظرى لحين الانتهاء من الاستايل
عمل جروب بجروب حدوته وهو يضم أعضاء الاسرة فقط وطبعا بنغير لون الجروب عن الاعضاء الاخرى اوكشن واتمنى لكم التوفيق

عمرو

اقطع دراعى ان كنت فهمت حاجة ياعمرو هههههههههههههههه

الستايل وفهمنااااااا..الجروب بقة انهى جروب من انهى جروب حدوتة ؟؟..تقصد جروب الفيس بوك؟؟ طب يضم اسرة المنتدى يعنى ..طب وهيحصل اية لما نغير لونة؟؟؟

بجد انا لسة صاحية من النوم ومش فاهمة حاجة هحاول اجى كمان شوية يمكن ربنا يسهلها معايا هههههههههههههههههههههه

على العموم مستنيين الستايل ياعمرو وشكرا على متابعة الموضوع

Jimmy

03-05-2009, 11:18 AM

بالنسبة لفكرة الأوسمة انا بالفعل بدأت في التنفيذ

وأسبوعيا هاعمل موضوع فيه أفضل الموضوعات اللي اتعرضت فيه وهاديها وسام .......

مى العيادى

03-05-2009, 11:21 AM

بالنسبة لفكرة الأوسمة انا بالفعل بدأت في التنفيذ

وأسبوعيا هاعمل موضوع فيه أفضل الموضوعات اللي اتعرضت فيه وهاديها وسام .......

اوك ياجيمى والنهاردة فاتيما جايالى هقعد انا وهيا ونكتب جدول بالمواضيع اللى محتاجينها للاعضاء الجدد والشرح..وهننزلة عشان كل واحد يبحث فى الموضوع بتاعة ويحضر لنا موضوع حلو كدة ينزلة..انتظروا الجدول على بكرة كدة ان شاء الله

والله يعطيك العاااااااااااافية ياجيمى

عادل رستم

03-05-2009, 09:51 PM

ادعو مديرا حدوته
الاستاذ احمد
والاستاذ اشرف
والنائبين
فاتيما وعماد كمال
لتدارس المقترحات وتنفيذ مايرونه مناسبا وانا شايف ان المقترحات جديره بالتنفيذ

emad kamal

03-05-2009, 11:13 PM

مى العيادى

03-06-2009, 08:18 PM

ادعو مديرا حدوته
الاستاذ احمد
والاستاذ اشرف
والنائبين
فاتيما وعماد كمال
لتدارس المقترحات وتنفيذ مايرونه مناسبا وانا شايف ان المقترحات جديره بالتنفيذ

والله نفسى ازغرت عشان المستر الكبير دخل الموضوع

شكرا ليك على اهتمامك وفرحتنى ان المقترحات عجبتك..ومنتظرين بقية المجلس

مى العيادى

03-06-2009, 08:20 PM

هو انا اسافر يومين ارجع الاقيى كل ده...
بجد بسم الله ماشاء الله ...كلها اقتراحات ممتازه...
واعتقد كل اللى اتنفذ منها...وده كان السبق فى التنفيذ فيه لمودى...وهو جروب حدوتة على الفيس بوك...طبعا ياريت كل اعضاء المنتدى يشاركوا فيه؟؟؟ومنه يبعتوا دعوه لكل اللى عندهم...وبكده يزيد العدد..
اما بالنسبه لباقى الاقتراحات...فأكيد ان شاء الله كلها تتنفذ..مادام فيها الخير للمنتدى...
ومشكور جدا كل من قام بالمشاركه...

اخيرا ياعماد وافقت على حاجة ..دة انت تحسد يابنى ..

وبالنسبة للجروب انا شفتة جميييييييييل بجدددددددد ومن هنا بشكر مودى جداااااااااااا على مجهودة فى الجروب..بس عاوزين اعلان جامد عنة فى المنتدى هناااا عشان الحواديت يعرفوا الجروب ويشاركو فية...شكرا ياعماد على اهتمامك

احمد عاشور

03-06-2009, 08:25 PM

انا بردة معكم واسالو عنى الى يعرفنى جو المنتدى من الاعضاء انا تحت امركم فى اى وقت بس اقتراحى ياريت الصندوق يرجع تانى بتاع المحادثة

مى العيادى

03-06-2009, 10:55 PM

شكرا يا احمد ليك واكيد مش محتاجين نسأل عنك

وعاوزة اطمنك صندوق المحادثات هيرجع تانى قريب اوى بس لما تتظبط فنيات المنتدى

وشكرا ليك مرة تانية على المشاركة

انووش الشوربجى

03-10-2009, 01:54 AM

موضوع هايل اوى
والاقتراحات اهول لا اهيل اكثر هياله

ماعلينا وحشانى ياام مايا اوى والله

كل حاجه حلوة وفى التمام اوى
بس انا مش قلقنى غير حاجه واحده
الاسد المقتول اللى فى التوقيع ده!!

المايسترو

03-10-2009, 02:07 AM

ربنا معاكو بس ياريت التطوير يكون تحت المراقبه
علشان احلى حاجه فى منتدانا الاحترام بين اعضائه
واي حد مش على مستوى الاحترام ده اكيد ملوش مكان في وسطنا
يعني مش عايزين المنتدى يدخل فيه افكارتدعو اناس غير موثوق فيهم
والله يوفقكم

مى العيادى

03-11-2009, 01:48 PM

موضوع هايل اوى
والاقتراحات اهول لا اهيل اكثر هياله

ماعلينا وحشانى ياام مايا اوى والله

كل حاجه حلوة وفى التمام اوى
بس انا مش قلقنى غير حاجه واحده
الاسد المقتول اللى فى التوقيع ده!!

لا حول ولا قوة الا بالله..دة انتى من الرعب ياحبيبتى اتهولتى خالص ههههههههههه
المهم انة كلة فى التمام ومتخافيش الاسد دة صغنن ثم هوة ماماتش ولا حاجة دة بس عاوز يتصور هههههههههه..وانتى وحشتينى موووووووووووووووت ياعسولة

ربنا معاكو بس ياريت التطوير يكون تحت المراقبه
علشان احلى حاجه فى منتدانا الاحترام بين اعضائه
واي حد مش على مستوى الاحترام ده اكيد ملوش مكان في وسطنا
يعني مش عايزين المنتدى يدخل فيه افكارتدعو اناس غير موثوق فيهم
والله يوفقكم

اكيد يامايسترو كلامك سليم..والموضوع هنا مفتوح للجميع يقترحوا..لكن فية تصفية للاقتراحات..ومتخافش الموضوع حتى الان تحت السيطرة والحمدلله..ولو فاتت منى انا حاجة مش هتفوت من جيمى وعماد هههههههههههههه