مشاهدة النسخة كاملة : جواز ولا مصلحة؟؟؟؟؟!!!
ريتال 05-14-2009, 06:16 PM بصوا بجد الي داخل أصلا الموضوع مخنوق ما يكملهوش نصيحة أخوية لوجه الله اصل انا مخنوقة و داخلة تشيلوا معايا شوية و هدخل في الموضوع
في حوار عابر بيني و بين شخص بحترم رأيه قالي "ان الجواز دة مش واحد و واحدة دة عيلة و عيلة و ما ينفعش واحد غني يتجوز واحدة فقيرة و لا ينفع العكس"
و انا موافقاه الرأي مش علشان هي مش هتقدر تسعده لاااااااااااا علشان احنا عايشين في مجتمع غلض بجد و فكروا كدة معايا صحيح هسرح بخيالي بس تعالوا اسرحوا معايا
علطول من غير لف و لا دوراااااان فرضنا ان بنت كويسة اوي و محترمة و متدينة بس بنت ناس عاديين جدا اتقدملها واحد أعلى منها في المستوى المادي و الاجتماعي بكتير انا بقول فرضنا (فرضنا) و اتجوزوا و ربنا تتملهم على خير هنلاقي ان لازم مشكلة من المشاكل دي هتقابلهم يا اما أهل الزوج دايما محسسينها انها أقل منهم و ان هي لازم تبوس ايديها وش و ضهر ان هما رفعوها لفوق و دايما يحسسوا ابنهم ان هو اتظلم بالجوازة دي و انه يستاهل ست ستها و لو فرضنا مثلا ان اهله نا س طيبين هنلاقي دايما حواليهم ناس بيحسسوهم و يفكروهم دايما بالفرق الي بينهم و ممكن كمان نلاقي ناس حاسدين و شوفوا بئى كلامهم و مفيش انسان ما بيتأثرش بكلام الناس و زي ما بيقولوا الزن على الودان أمر من السحر.
مع ان دلوقتي مفيش واحد غني اوي بيتجوز وحدة فقيرة كل واحد بيتجوز الي زيه أو الي أعلى منه ما حدش بيبص لي الأقل منه
و نسينا أو تناسينا تعاليم رسولنا الكريم في توجيهه لنا في اختيار الشريك المناسب
قال رسول الله صلى الله عليه وسلم: "إذا خطَب إليكم مَن تَرضَون دينَه وخُلُقَه فزوِّجوه، إلّا تفعلوا تكُنْ فتنةٌ في الأرض وفسادٌ عريض". وقال الألبانيّ في صحيح ابن ماجه 1601: حسن) فالرجل المؤمن الصالح إن أحب زوجته حَفِظها وإن كَرِهَها لم يَبخَسها حقَّها (أخرج مسلم 1496/ 11 وأحمد في المسند 2/329 عن أبي هريرة ـ رضي الله تعالى عنه ـ قال: قال رسول الله صلى الله عليه وسلم: "لا يَفرَك مؤمنٌ مؤمنةً؛ إن كَرِهَ منها خُلُقًا رَضِيَ منها آخَرَ
و لما وجه كلامه بردو للشباب و قالهم
قال: "تُنكح المرأة لأربع، لمالها ولحسبها وجمالها ولدينها، فاظفَر بذات الدين تَرِبَت يداك"
بس للأسف المقاييس اتغيرت و ما حدش بئى ياخد بالكلام دة الا من رحم ربي.
انتوا بئى ايه رأيكم؟؟؟؟؟؟
و كل واحد كدة يدخل و يقول بأمانة ايه الحاجة الأساسية الي لازم تكون في شريك حياتك؟؟؟؟؟؟و شريكة حياتك؟؟؟؟؟
لو قريت الموضوع ما تستخسرش ترد علية فعلا يهمني آرائكم
مى العيادى 05-14-2009, 06:43 PM موضوع جميل ياريتال والله وزى السكر
بصى ياقمراية التكافؤ فى المستوى المادى والاجتماعى بين الزوجين مهم جدااااااا للاسففففففف
وفعلا كلام ان الجواز دة عيلتين بيتجوزا بعض كلام صح جدا وواقعى
لكن المشكلة ان الحب اوقات بيخلى الناس تتغاضى عن الفروق
يعنى المثل اللى قلتية دة بتاع البنت اللى مستواها اقل من الشاب اللى اتجوزتة..انتى فرضتى ان اهلة او الناس اللى حوالية ممكن يفكروهم بالفروق اللى بينهم..
عارفة ولو محدش فكرهم باى حاجة والناس سابتهم فى حالهم..هيا هتكون عندها مشكلة نفسية
ممكن متكونش الحكاية كبيرة اوى بس اكيد هتنصدم هيا نفسها بالفروق وممكن متقدرش تتاقلم بسرعة وتحس بمشكلة بتواجها فى التاقلم ..يعنى ممكن تحس هيا لوحدها بالنقص دايما قدام جوزها او ممكن تحجاول تعوض الفرق دة بانها تكون اوفر معاة فى طلباتها واجتياجاتها عشان تحسسة انها متعودة على كدة فى بيت بباة ههههههههههههههههه
صدقينى التوافق مطلوب جدا فى كل حاجة ..وطبعا دى مش قاعدة وفية ناس سوية مع نفسها وقدرت تتغلب على مشاكل التوافق والفروق دى ...بس هية نسبة النجاح قليلة شوية..
موضوع جااااااااااااااااااامد ياعسل
ريتال 05-14-2009, 06:53 PM شكرا يا ام مايا على ردك و أكيد بما انك أكبر مني بكذا يوم يبئى تعرفي اكتر مني بكذا سنننننننننننة
هاجر الشوربجى 05-14-2009, 06:59 PM انا من رأيى ان الفروق الماديه اصبحت لا تمثل مشكله
الاهم ان يكونا سعداء مع بعضهما وان يجمعهما الحب
وان بكده هيثبتوا للناس ان مفيش فرق بينهم وكمان
اللى اهم من كده التوافق الفكرى بينهم ,لان المال عمره مايشترى سعادة انسان
مثلا لو فرضنا جدلا ان فى بنت حبت واحد اقل منها ماديا وهتعيش فى مستوى اقل
من اللى هى عايشه فيه بس فى بينهم درجة تفاهم عاليه هنا بقى لو الاهل بيفكروا فى
سعادة بنتهم هيوافقوا وهيساعدوهم فى بناء عش الزوجيه ومش هيفرق معاهم ساعتها
ايه مستواه المادى المهم اخلاقه و ايمانه اللى هيخلوه غنى فى نظرهم
دى وجهة نظرى
موضوع رائع يا ريتال
تقبلى مرورى
ريتال 05-14-2009, 07:02 PM انا من رأيى ان الفروق الماديه اصبحت لا تمثل مشكله
الاهم ان يكونا سعداء مع بعضهما وان يجمعهما الحب
وان بكده هيثبتوا للناس ان مفيش فرق بينهم وكمان
اللى اهم من كده التوافق الفكرى بينهم ,لان المال عمره مايشترى سعادة انسان
مثلا لو فرضنا جدلا ان فى بنت حبت واحد اقل منها ماديا وهتعيش فى مستوى اقل
من اللى هى عايشه فيه بس فى بينهم درجة تفاهم عاليه هنا بقى لو الاهل بيفكروا فى
سعادة بنتهم هيوافقوا وهيساعدوهم فى بناء عش الزوجيه ومش هيفرق معاهم ساعتها
ايه مستواه المادى المهم اخلاقه و ايمانه اللى هيخلوه غنى فى نظرهم
دى وجهة نظرى
موضوع رائع يا ريتال
تقبلى مرورى
شكرا رنا على مرورك و وجهة نظرك حلوة أي بس بالنسبة لأي بنت مش بالنسبة لأهلها و دة الغالب في مجتمعنا المادة فاقت كل المشاعر الانسانية الا قليل من الناس
هاجر الشوربجى 05-14-2009, 07:11 PM اولا انا الصحفيه
وثانيا وده الاهم ان فى ناس كتير مش بيفرق معاهم الماديات
ودول موجودين المهم انهم يقدروا يسعدوا ولادهم وبناتهم
لأن كل واحد عارف الزمن اللى احنا عايششين فيه
ومشاكل هذا الزمن من غلاء وبطاله الخ..............
وان مفيش انسان بيبقى غنى من فراغ وان الرزق ده
من ربنا هو اللى بيقسم الارزاق وهو اللى بيدى كل واحد نصيبه
والله موضوعك مشوق يا ريتال ويستاهل النقاش
انتظرى متابعتى
ريتال 05-14-2009, 07:58 PM انا آسفة بجد يا صحفية و ان شاء الله تكوني صحفية قد الدنيا مش صغيرة
و على فكرة في ناس مش بيهمهم الماديات بس خلينا واقعيين شوية دول قليلين مش كتار انا بتكلم بالي انا شايفاه حوالية و بجد هسألك سؤال لو جه شاب اتقدملك و اهلك سألوا عنه و عرفوا ان ما شاء الله كل فروض الصلاة في المسجد و انسان خلوق بس للأسف فقيرجدااااااااااااااا؟ بأمانة هيوافقوا لو انتي وافقتي؟
هاجر الشوربجى 05-15-2009, 08:47 AM اه طبعاً هيوافقوا وهيقفوا جنبوا انا مش ببالغ
بس دى الحقيقه لو فيه الصفات المناسبه
وطبعا لازم يكون عنده ذكاء يساعده فى بناء نفسه وطبعا يكون متعلم
قال صلى الله عليه وسلم (خذوهم فقراء يغنيهم الله من فضله)
واقولك على حاجه انا كمان هشتغل واساعده بس هيبقى بينى وبينه طبعا
emad kamal 05-15-2009, 05:12 PM موضوع مهم جدا....
بس للاسف الوقت الحالى بقى النظر للماده اكبر بكتير من الحاجات التانيه....
لكن الاساس الصحيح هو الاخلاق والدين والتفاهم...
انما الماديات دى (المفروض )انها موش عامل او مقياس اساسى فى القبول والرفض...
ولو فكر الاهل بعقليه ناضجه وفكر واسع شويه ..هايلاقوا مصلحة اولادهم وبناتهم...فى الارتباط بصاحب الاخلاق والدين ...انما موش مصلحه الفلوس...
لان الفلوس ممكن فى اى وقت تروح...
انما الاخلاق والدين...صعب يروحوا...طبعا...
هو مفهوم او ثقافه وانتشرت ان اى جوازه فيها طرفين موش متكافئين ماديا ...لازم يبقى فيها طرف كسبان واخر خاسر...
مع ان السعاده لا تقاس بذلك...
هاجر الشوربجى 05-15-2009, 05:17 PM الحمد لله يعنى دى مش وجهة نظرى لوحدى
نفسى الناس تبطل تفكر فى الماديات
لأن زى ما قال عماد ان السعاده لا تقاس بالماديات
ولو راجعنا نفسنا هنلاقى على مدار السنين
مفيش حد اشترى السعاده بالمال
M.shorbagy 05-21-2009, 08:17 PM بسم الله الرحمن الرحيم
خلينا نمسك الموضوع كدة واحدة واحدة وبالراحة
اولا انا مع الرأى ان فى الجواز مش واحد وواحدة بس دول عيلتين مع بعض ودى ميختلفش معايا حد فيها
فمهما كانت الظروف فانا بربط عيلتين مع بعض حتى لو نفس المستوى او غيره برضة بربط عيلتين مع بعض....
والماديات جزء صغير جدا من معنى جملة (ربط عيلتين مع بعض)
بمعنى....
ان حتى لو اتفقنا فى المستوى الاجتماعى والمادى كمان فى حاجات تانية لازم اراعيها وكلنا مش بناخد بالنا منها
هيا مثلا اخوات العروسة واخوات العريس اللى هما فى المستقبل هيكونوا عيلة اولاد الزوجين
هل تقبل انك تتجوز من واحدة اخوها حرامى
هل تقبلى انك تتجوزى من واحد اخوه خريج سجون وهيبقى خال اولادك
دى نقطة برضة مش بنبصلها .....
لو حد هيقولى لو هو كويس موافقة ولو هيا كويسة موافق اقوله ماشى معاك بس لازم تبقى قد المسؤولية وتستحمل اللى هيجرالك وانا مش بقول كدة علشان اخوفهم بس فى ناس تقدر تشيل همها وهم خال اولادها او عم اولادها اقولهم ربنا معاكم ويوفقكم ...
بس لو اتساوت الظروف اظن ان البنت او الولد اللى اخواتهم كويسين هما اللى يكسبوا ....
بالنسبة للماديات هرجع ليها تانى ....
فيها تفصيل صغير
لو الولد اغنى من البنت انا شايف انها مش مشكلة اوى
ما دام انه محترم ومتواضع عمرة ما هيعايرها بأى حاجة وفى نفس الوقت لو البنت عنيها مليانة عمرها ما هتبص للغنى دة على انه حاجة محرومة منها ولكن هتبصله على اساس انه كرم من ربنا على جوزها ....
اما العكس فصعب شوية علشان طبيعة الراجل نفسها
ربنا خلق الرجالة وسبحان الله حط فيهم حتة القيادة انه لازم يقود البيت وانه لازم يكون العائل
فلو الراجل حس فى لحظة واحدة ان مراته مش محتاجاله هيتخنق اوى وممكن يتخانق معاها لاتفه الاسباب واسألونى انا .... انا عارف احنا بنفكر ازاى ...
خلاصه القول...
كلنا ممكن نريح دماغنا من كل ده باننا ندعى ان ربنا يجبلنه زوج او زوجة صالحة يقوا الله فينا
ولما نسلمها فعلا لله كدة هنلاقى الامور ماشية تمام جداااا
ولو فى حد فى بالنا ونفسنا نرتبط بيه كل اللى علينا اننا نعمله ...
بالنسبة للبنت انها تدعى ربنا انه (لو كان زوج صالح ) انها تتجوزه .
وبالنسبة للولد (لو مش فى ايدة حاجة يعملها ) انه يدعى انها لو زوجة صاله انه ييسرلة الطرق انه يتجوزها ...
ريتال 05-23-2009, 01:30 PM موضوع مهم جدا....
بس للاسف الوقت الحالى بقى النظر للماده اكبر بكتير من الحاجات التانيه....
لكن الاساس الصحيح هو الاخلاق والدين والتفاهم...
انما الماديات دى (المفروض )انها موش عامل او مقياس اساسى فى القبول والرفض...
ولو فكر الاهل بعقليه ناضجه وفكر واسع شويه ..هايلاقوا مصلحة اولادهم وبناتهم...فى الارتباط بصاحب الاخلاق والدين ...انما موش مصلحه الفلوس...
لان الفلوس ممكن فى اى وقت تروح...
انما الاخلاق والدين...صعب يروحوا...طبعا...
هو مفهوم او ثقافه وانتشرت ان اى جوازه فيها طرفين موش متكافئين ماديا ...لازم يبقى فيها طرف كسبان واخر خاسر...
مع ان السعاده لا تقاس بذلك...
انا معاك يا عماد في كل كلمة قولتها "الدين و الأخلاق" أهم حاجة و دة الي قالوا الرسول صلى الله عليه و سلم و لما المعايير اتغيرت الدنيا باظت
ريتال 05-23-2009, 01:52 PM بسم الله الرحمن الرحيم
خلينا نمسك الموضوع كدة واحدة واحدة وبالراحة
اولا انا مع الرأى ان فى الجواز مش واحد وواحدة بس دول عيلتين مع بعض ودى ميختلفش معايا حد فيها
فمهما كانت الظروف فانا بربط عيلتين مع بعض حتى لو نفس المستوى او غيره برضة بربط عيلتين مع بعض....
والماديات جزء صغير جدا من معنى جملة (ربط عيلتين مع بعض)
بمعنى....
ان حتى لو اتفقنا فى المستوى الاجتماعى والمادى كمان فى حاجات تانية لازم اراعيها وكلنا مش بناخد بالنا منها
هيا مثلا اخوات العروسة واخوات العريس اللى هما فى المستقبل هيكونوا عيلة اولاد الزوجين
هل تقبل انك تتجوز من واحدة اخوها حرامى
هل تقبلى انك تتجوزى من واحد اخوه خريج سجون وهيبقى خال اولادك
دى نقطة برضة مش بنبصلها .....
لو حد هيقولى لو هو كويس موافقة ولو هيا كويسة موافق اقوله ماشى معاك بس لازم تبقى قد المسؤولية وتستحمل اللى هيجرالك وانا مش بقول كدة علشان اخوفهم بس فى ناس تقدر تشيل همها وهم خال اولادها او عم اولادها اقولهم ربنا معاكم ويوفقكم ...
بس لو اتساوت الظروف اظن ان البنت او الولد اللى اخواتهم كويسين هما اللى يكسبوا ....
بالنسبة للماديات هرجع ليها تانى ....
فيها تفصيل صغير
لو الولد اغنى من البنت انا شايف انها مش مشكلة اوى
ما دام انه محترم ومتواضع عمرة ما هيعايرها بأى حاجة وفى نفس الوقت لو البنت عنيها مليانة عمرها ما هتبص للغنى دة على انه حاجة محرومة منها ولكن هتبصله على اساس انه كرم من ربنا على جوزها ....
اما العكس فصعب شوية علشان طبيعة الراجل نفسها
ربنا خلق الرجالة وسبحان الله حط فيهم حتة القيادة انه لازم يقود البيت وانه لازم يكون العائل
فلو الراجل حس فى لحظة واحدة ان مراته مش محتاجاله هيتخنق اوى وممكن يتخانق معاها لاتفه الاسباب واسألونى انا .... انا عارف احنا بنفكر ازاى ...
خلاصه القول...
كلنا ممكن نريح دماغنا من كل ده باننا ندعى ان ربنا يجبلنه زوج او زوجة صالحة يقوا الله فينا
ولما نسلمها فعلا لله كدة هنلاقى الامور ماشية تمام جداااا
ولو فى حد فى بالنا ونفسنا نرتبط بيه كل اللى علينا اننا نعمله ...
بالنسبة للبنت انها تدعى ربنا انه (لو كان زوج صالح ) انها تتجوزه .
وبالنسبة للولد (لو مش فى ايدة حاجة يعملها ) انه يدعى انها لو زوجة صاله انه ييسرلة الطرق انه يتجوزها ...
"جبت المفيد يا محمد مش علينا غير ان احنا ندعي ربنا ان يكرمنا بالصالحين و خصوصا ان في ناس كتير اتخدعوا في الأخلاق و في الدين و في كل حاجة بس الواحد طول ما هو مع ربنا ربنا هيكون معاه"
|