طبعا الامتحانات قربت و مش هخبي عليكم انا قلقانة جدا بس الموضوع عقدة نفسية مش علشان المواد صعبة و مش هقول انا عندي كام مادة علشان الحسد انتوا عارفين بس بجد انا عندي مشكلة ان كل ما اجي ازاكر احس اني عايزة انام و مهما بعمل او بتنطط بفوق شوية و لما اشوف الكتاب ارجع اكسل تاني والله مش بتدلع بجد صدقوني حتى لو لسة صاحية قولولي أعمل ايه لاحسن بابا و ماما جبتلهم الضغط و الدكاترة بتوعي كمان بيتحايلوا علية انجح نفسهم يشوفوني في سنة تانية اصل بعيد عنكم و عن السامعين انا من الناس القدامى في سنة أولى بجد في معزة بيني و بينها
يا ريت كل واحد عنده نصيحة ما يبخلش علية.

أختي ريتال

أولا يا حبيبتي ... احرصي على تحصين نفسك ... يومياً صباحاً ومساء بالقرآن والأذكار المعروفة ..
ثانياً يتضح لي والله اعلم ان الحالة التي تمرين بها عبارة عن حالة تراكمية مكونة من ملل وضغوطات نفسية ومشاكل .. فسببت لك مشكلة .. فأصبحتي لا تسيطرين على اعصابك ... وأيضاً انتي لم تعطي نفسك فترة نقاهه منذ فترة طويلة ..اظن ...
المهم الآن إليك بعض الحلول التي اتمنى من الله ان تفيدك ...
نظمي وقتك بعمل جدول يومي .. مثلا .. المادة التي تذاكرين قسميها على حسب معرفتك .. فتكون العملية اسهل ... عندما تنظرين إلى الكتاب ...
و تذاكرين ساعة أوساعتين على حسب طاقتك .. وتأخذي بريك مريح نصف ساعة .. حتى تنهي المادة ...
وعندما تنتهين من كل جزء تحققينه .. قومي بمكافأة نفسك .. بأي شيء تحبين .. ( ولا تستعملي المكافأة إلا بعد تحقيق الهدف المنشود )

حاولي الإبعاد عن الإزعاج فهو يفقد التركيز ..

خصصي مكان مريح ومرتب لكي تنعس النتيجة إيجاباً على نفسيتك ..

عند الشعور بالضيق والغضب .. استعيذي من الشيطان .. وغير مكانك أو انصرفي من امام من تجادلين لمدة خمس دقائق على الأقل ..
عند عدم مقدرتك على النوم .. قومي بالوضوء وصلاة ركعتين لترتاح نفسك .. واشربي كأس حليب بالشكولا ساخن لتحسين المزاج ...
رفهي عن نفسك بالضحك .. وذكري نفسك بأنها فترة وسوف تمر لتعودي لطبيعتك ...

دمتي بخير .. وأول ما تستلمي الشهادة أخبريني بالنتيجة .http://www.ibtesama.com/vb/images/smilies/smile.gif
أختصرت قدر المستطاع .. اسف على الإطالة ..

أحلى الأمنيات واصدق الدعوات
اختك نسمة شجن

انا تقريبا عندى نفس المشكله وهى انى بكره حاجه اسمها مذاكرة
وكل ما احاول اذاكر افتكر مشكله حصلتلى واتضايق جدا وبقعد ابكى
وبسيب المذاكرة بجد هتجنن لانى خسرت حاجات كتير مش عايزة اخسر دراستى كمان
ربنا يكرمنا ويعوض صبرنا خيرويوفق الجميع لما يحب ويرضى

بسم الله الرحمن الرحيم

في البداية يا ريتال الحالة اللي انتي فيها دي تعتبر حالة شبه طبيعية فمفيش حد فينا إلا و كان بيمر فيها خصوصا أيام الإمتحانات لكن تكمن مشكلتك في عدم قدرتك على التكيف و التأقلم معاها و محاولة تفاديها ....

طب الحل ايه ؟؟؟؟

طبعا هيا الحلول كتيرة و الكلام فيها كتير ..صحيح مش هيطبق بسهولة لكن هتمعلى ايه ...لازم تضغطي على نفسك شوية ...عشان تبرأي نفسك و أقل حاجة تكوني عملتي اللي عليكي ...

بصي قبل كل حاجة لازم تقعدي كدا مع نفسك ...شوفي انتي ليه الدافع عندك مش قوي ... يمكن استسلمتي للوضع الراهن و حسيتي إن من رابع المستحيلات إنك تطلعي من مزنق سنة أولى .... دي نقطة ..

النقطة التانية ...ممكن انتي من النوع اللي مش فارق معاكي ..قصدي يعني ممكن تكون مشكلتك مع نفسك من حيث إنك مش بتذاكري علشان نفسك و علشان تنجحي و تحققي نجاح لنفسك لكن علشان والدك و والدتك ..صحيح مراعاة مشاعرهم علشان تنجحي مهم لكن مش هوا الأساس ...لازم انتي من جوا تكوني مقتنعة باللي بتعمليه ....
و مشكلة النعس برده ممكن يكون ليها سبب نفسي إنك بتوهمي نفسك علشان تزوغي من المذاكرة ...و دا مش حل ......

كمان كل ما تعدي تذاكري قبلها عدي اتوضي و ادعى ربنا و صححي النية و اطلبي العون من ربنا و الله مش هيخذلك .....صدقيني لو كان في صدق نية من جوا و عملتي قصارى جهدك في الحكاية دي ..و الله ربنا هيقف معاكي و هتلاقي تصاريف غريبة معاكي ....و ياما حصلت معايا حاجات يمكن حتى عقلي مش مستوعبها لحد دلوقتي من توفيق ربنا ....

و كمان خلى بالك من نوعية الأكل ...حاكم في نوعيات من الأكل علطوووووووول بتخليكي في سابع نومة .....

و كمان لو ليكي زميلة أو صديقة ..شوفي لو تشجعوا بعض ....
كمان حاولى تعملى لنفسم نظام الثواب و العقاب ...مثلا قولي لنفسك هذاكر كيت و كيت و بعدين هاخد ساعة فرفشة و اشتري حلويات و كانز و شيبسي و هيصي نفسك ... و عيدي الكرة من تاني و ذاكري ...

خديها يعني تحدي مع نفسك ...قولي يا أنا يا المذاكرة السنة دي ..كدا يعني ...صدقيني من حدد الغاية لم يعدم الوسيلة .......أصل بجد حرام تضيع سنوات من عمرك عالفاضي ...و كمان أيام الدراسة لا تعوض ...

يارب يكون في عونك و يسدد خطاكي و ينصرك على ضعف نفسك و يارب كدا تنجحى و تجيبي كمان أعلى الدرجات و بالتوفيق إن شاء الله ...

ودمتم سالمين

أسيف