obama
05-19-2009, 06:35 PM
حالة انسانية كانت امام جامعة سيناء اليوم الكل كان ينتظر الوزيرة / مشيرة خطاب وعندما علمت سيدات الريفيات من العريش ونخل والحسنة وبالوظة ورفح وبئر العبد والشيخ زويد حضروا امام الجامعة اليوم لكى يرسلوا رسالتهم ومعاناتهم الى الوزيرة ولكن جاء ظرف وفاة حفيد الرئيس فطبعا اعتزرت الوزيرة على ان هية تيجى طبعا وعندما ذهبت اليهم علمت منهم انهم يعانون من اشياء كثيرة جدا منها ( قله الراتب ويقولون ان الراتب الشهرى هوة 148 جنية وبعد ذلك تم خصم منهم 30 جنية فبدل ما يزودو المرتب لا دا شغالين يقصو فية اكتر ما هوة مقصوص فقلت للسيدات انتو عايشين ازاى قالو ليا ان المرتب دوت متقسم لميت حاجه مصاريف عيال مدارس وكمان مواصلات وكمان تصوير ورق للعمل على حسبهم ينهار اسود يعنى المفروض المؤسسة بتاعتهم هية الى تجيب ليهم الورق متصور وكمان بيقولو ان همه مش متسبتين فى العمل يعنى فى اى وقت ممكن يقولو ليهم مع السلامة همة دلوقتى تبع وزارة الصحه مش معبراهم خالص وبتطلعهم يشتغلو فى كل حاجه فى انفلونزا الخنازير وانفلونزا الطيور والحصبة الألمانية وكمان بينزلو فى الشارع يرشدو الناس ويعرفوهم يعنى اية انفلونزا الخنازير والطيور والبهوات الدكاترة الى فى المستشفيات لفو مرة واحده بس وبعدين راحو ينامو يسلام والله العظيم مش عارف اقول ايه والمصيبه كمان ان همه اخر مرتب خدوة كان فى شهر 3 دوت طيب فين مرتب شهر 4 ومرتب شهر 5 بجد حـــــــــرام وكمان كان فية ست عجوزة جدا كانت واقفة فى الشمس ولما سألتها انتى اية مطالبك قالت ليا انا عايزة زيادة المرتب وبتقلى والله العظيم يابنى انا جوزى كان بيشتغل بس هوة دلوقتى تعبان وبيتعالج بالكيماوى فى مصر ومرتبه 200 جنيه فى الشهر وانا مرتبى 148 وعندى اربع عيال 3 بنات وولد فى ثانوية عامه وبياخد دروس بحوالى 100 جنيه فى المواد يعنى الى بيبقى 248 بس فى البيت متقسمين لميت حاجة . وفية حاجة تحزن اكتر ( انا لما خلصت النقاش دوت مع السيدات دول اتصلت ببرنامج العاشرة مساءا وبقول للاستاذة منى الشاذلى ان فية كذا كذا على الحوار دوت قلت ليا صدمة بجد قالت ليا (( موضوع مش يستاهل ان احنة نيجى لية )) يعنى شاطرين تيجو فى المصايب وفى الفرح طنش والله العظيم حسب الله ونعم الوكيل ..............