himadada
06-21-2009, 07:51 AM
ما هو شعور الفتاه عندما يراها الخاطب ثم يقول إنها لا تعجبني ؟
بسم الله الرحمن الرحيم
السلام عليكم ورحمة الله وبركاته ..
صباح او مساء الخير .
المهم
ما شعور الفتاة التي يتقدم عريس لخطبتها
ثم يراها وبعد يومين تتصل أم العريس لتخبر أم الفتاة بأن
ابنها لم يوافق على الزواج من ابنتها وإن الزواج قسمة ونصيب ..
ارجو ان تعطيني رأيك بكل صراحه .. ولو مثلا مرّ عليك هالموقف في الحقيقه (تجربه سابقه)
( كيف راح تكون رده فعلك ) ؟
انتظر الاجابة
توتة توتة وبدغت حدوتة
ياسرأبوعاصي
06-21-2009, 10:50 AM
الموضوع جميل ...ولكن الامر يتوقف على شخصية كل من العريس والعروسة ...
الامر بسيط ولا يحمل اى تجريح لاى من الطرفين لان الموضوع قسمة ونصيب ...ولازم نبقي متفهمين للمسألة دى باعتبارنا جيل من المتعلمين المفروض ان يكون عندهم بعد نظر ...وان الامر مش ضربة لازم عليه او على العروسة ...يعنى محدش عارف الخير فين ..والامر بسيط جدا ..ايه يعنى العروسة معجبتهوش ..يمكن فيها خير وهو ميستهلهاش ...وربنا يكرمها باحسن منه ..ويمكن هو فيه خير وهى متستهلوش وربنا هيكرمه باحسن منها ....
بالنسبة للشعور والحالة النفسية التى تمر بها الفتاة ..فالحكاية تعتمد على البنت في الاول والاخير ..فاذا كانت واثقة من نفسها فعلا ..( مش حركات ) فالموضوع هيعدى عليها مرور الكرام ..... واما اذا كانت فاقدة الثقة في نفسها فالحكاية دى ممكن يكون لها تأثير سلبي عليها ...
وومكن العريس يرفض علشان مش عجبه وضع البيت ...ووالبنت عجباه بس اهل البيت مش متناسب معاهم ..فالرفض مش عيب ف البنت من الدرجة الاولى ولكنها عوامل بتتجمع مع بعض
وربنا يهدى الجميع
وشكرا
انووش الشوربجى
06-21-2009, 11:51 AM
فى البدايه ياهيما احب احييك على اختيار الموضوع ده
ثانيا بقى لازم نكطون متفقين من الاول ان الزياره الاولى دى
ممكن يكون ليها عدة احتمالات يااما الطرفين يوافقوا يااما الاتنن يرفضوا
يااما حد يوافق والتانى يرفض ولازم كل واحد من الطرفين يكون زى مهو متاح ليه
الرفض والقبول يعرف ان ده كمان حق الطرف التانى ...... بعد كده الحكاية هتكون زوقيااات
مش اكتر ...يعنى بدل موالدة العريس تقول لا مش عاجبة العريس ...ودى كلمة بايخه اوى
طبعا تقول والله مفيش نصيب .... وبنتكم كويسه وتستاهل حد كويس وكلمتين حلوين وخلاص
مش نقعد نعيب فى الخلق ..... وده اللى بيحصل طبعا لو العكس لو البنت معجبهاش المتقدم
اهلها بردو بيردو بنفس الرد يعنى زوقيييييييييييات مش اكتر من كده واللى يزعل تبقى دماغه
صغيره
himadada
06-21-2009, 01:40 PM
شكرا على المرور والتعليق
ومنتظر المزيد من الردود حول هذا الموضوع
توتة توتة وبدإت حدوتة
تامر لطفى
06-25-2009, 02:34 PM
نفس شعور الولد لو اتقدم لبنت و قالت مش عاجبها
لكن اري بصراحة ان رأي انووش ممتاز و مفيش داعي للخوض في تفاصيل الرفض.
و ان كانت البنات اكثر تباهيا بكثرة من ترفضهم و شرحا لعيوبهم.
أنا مع رأي أنوش .....
طبعا القعدة الأولى دي هتتحمل يا إما القبول يا إما الرفض سواء منه أو منها و دا أمر طبيعي ووراد ....لأن احنا بنتكلم مش في أي موضوع ...دا جواز ..مش لعب عيال ....
صحيح ممكن حد من الأطراف يزعل شوية خصوصا اللي حصل معاه القبول لكن في الاخر دا قسمة و نصيب و مفيش فردة لازم على التاني .....
و كمان مش معنى رفض طرف إنه مثلا مش كويس أو خلافه لكن القبول المبدئي دا مهم جدا و لا ممكن تغافله ......و لعله خير ....
و المهم في الحكاية دي متخرجش عن إطار الأسرة ...يعني خلاص فلان رفض علانة ...مش نلاقي كل الدنيا عرفت ....و كمان علانة رفضت علتان ..مش لازم أمة لا ايه إلا الله تعرف .......لأن دي مش أخلاقيات خالص في المواضيع دي ......
و بيبقى الإحترام بين الناس و بعضها .......
و كمان الأسلوب مهم برده ...يعني أم العريس تنتقي ألفاظها أو أم العروسة توزن كلامها في حالة عدم القبول من عندهم .
و مفيش حد بياخد أكتر من اللي ربنا كتبهوله ........و زي ما كلنا عرفين ,,,أنت تريد و انا أريد و الله يفعل ما يريد ......
على كل حال ...حالة وحيدة اللي تخلى طرف ينجرح من التاني .و يزعل .....لما يكونوا الإتنين بيحبوا مثلا بعض ..أوالعريس مصرح ليها مسبقا بقبوله و حبه ...ساعتها أكيد يعني هتزعل من رفضه لكن برده كله خير للبني ادم و محدش عارف الخير ليه فين ........
تقبل مروري
ودمتم سالمين
أسيف
زهرة الشوربجي
06-25-2009, 09:04 PM
كلام انووش واسيف ممتاز جداااااااا
وبالفعل الزيارة الاولي للعريس بتكون تعارف مش اكتر يعني لازم الولد يكون حاطط في دماغة ان من الممكن القبول 50 % فما فوق من ناحية البنت
والبنت برضوا كدة تحط في دماغها انها ممكن تلاقية ابن حلال وممكن العكس
وفعلا لو البنت واثقة من نفسها يبقي مش هياثر عليها تماما وهتعتبرة زيارة عائلية وخلاص
بس المهم الرد او بمعني اصح فن الرد علي الناس وانا مع راي انووش في الزوقيات
وفي النهاية بشكركك ياهيما علي الموضوع دةةة
جنات الشوربجي
08-09-2009, 10:49 PM
شكرا هيما على طرح الموضوع
اعتقد الموضوع ليه نفس التأثير على الطرفين من حيث يكون الرفض من ناحية مين؟؟
المهم الموقف نفسه وطريقة الرد
لكن من رأيي بيكون تأثيره أكبر على البنت لو تكرر الموقف كذا مرة ورا بعض
ولو جه الرفض منها بيكون شيء عادي ليها وعليها اعادة التفكير
وما اعتقدش حكاية العريس أو حتى امه واخواته البنات ييجوا يشوفوا
ويقرروا هما للعريس إذا كان اه ولا لأ موضوع قديم وبايخ ,أمال فين شخصيته بسلامته ؟؟
واخدة أجازة ولا بسلامته مكسوف ولا خايف يترفض ؟
في الحالتين القرار لازم يكون من طرفين بس مش حد تاني
وربنا يوفق الجميع
الموضوع ممكن يكون ليه أبعاد تانية وكل واحد ليه وجهة نظر
أتمنى المزيد من الآراء ووجهات النظر
في الانتظار