انا مقدرشى
اكون جنبك ومش خايف
انا شايف
عيون الناس بتتهامس
وبتلامس
خيوط الظن
ومش عارف ........
اقول ازاى كلام الحب؟
ولا ازاى........
ادوق الخد لما بحن؟
ولو عارف
بكون خايف
عليكى حتى من نفسى
وخايف يجرحك حسى
وحسك اصفى م الميه
وناعم زى زهرة شوق
انا بينى وبينك طوق
لنمسك فيه باحساسنا
لاما ندوق
ندوق البحر والمالح
ونبكى من طريق جارح
انا سارح ف طيفك كما الدرويش
بخورى طالعه من حريق الدم
ويعصرنى الهم
لكنى بعيش
عشان القى ف عنيكى مكان
بيحمى الشارد الحيران
بيخفينى من عيون الناس
ولكن
بكون خايف
ولسه بخاف
لتنزف من عنيكى دموع
اروح فيها
صدى لانين
وشوق موجوع
انا خايف...........انا خايف
ومش عارف........؟
اقول ازاى كلام الحب؟

حلم التمنى
دا شعر عاميه من حد متمكن جدااااااااااااا
هو احنا معقوله منعرفش بعض
الاسلوب مش غريب عليا خالص
وقريب من حد اعرفه جداااااااااااااااااااااا

تسلم ايدك يامنار

متخفيش خليكى جامدة

http://islamroses.com/zeenah_images/jazak.gif

تسلم الأيادي ...
كلمات جميلة

ودمتم سالمين

أسيف

رائع حلم

فعلا مشروع شاعر رائع

لديه امكانات جيده

دمت ودام عطائك

بجد تسلم إيدك
كلاماااتك جااامده أووي
وإحساسك فيها أكتر من رائع