ياللي هويت الكلام تعالى إسمع كلام موال
موالي بلدي أصيل .. من أحلى الكلام يتقال
جايب معايا الأهات .. و الحكمه في الموال
هقول وردو عليا الكلام ... بردو بكام موال

يا معلم الصبر أصبر ..... ولا تشتكيش منه
أصل الجمل ده جمل .. مهما الصَّبر خَد منه
وإن الجمل يوم بَرك ...... و الحِمل مال منه
طَبطَب عَليه صَبَّره .. ولا تزعلشي يوم منه
ماشي بحب البشر وصُبرت ... والصبر على كيفك
يا معلم الصبر إصبر وأنا أورِّيك الصبر على كيفك
لا تطاطي للمفتري .... وقوله كلام على كيفك
مادمت ماشي مستقيم ... قول اللي على كيفك