لما يكون البطل عيان وتدخل عليه البطله تديله اسبرينه وكوبايه الميه
وتساله ها عامل ايه
يقولها الحمد لله
ده على اساس انها اديته اكسير الحياة




لما تكون ف سبع اغانى ف نص الفيلم مالهومش اى لااااااااااااااازمه




لما يكون البطل مدمر ومدايق وقاعد بيسكر ويملى الكوبايه على اخرها
والمصيبه انه بيمليها عصير قصب




لما يعد البطله والبطل ف نفس الكازينو الى متصور فيه تلت اربع افلام مصر
الكافى الى قدام ماسبيرو
ويطلبوا عصير يابرتقان يابرتقان
وطبعا محدش يلمس الكوبايه عشان هيتصور بيه فيلم تانى




لما يضرب البطل بالنار ف قلبه وينزل دم من بطنه
ويعد خمس دقايق يتكلم عشان يكشف لغز الفيلم




لما تشوف فيلم اغراء تقريبا لممثله عندها ستين سنه
زى نبيله عبيد كده





لما تاكول البنت وهيا واقفه وطبعا ممتها تقولها يبنتي كولى كويس
تقوم تبوسها وتقولها عشان الحق المحاضره الاولى يماما
هو فيه حد بيحضر محاضرات الايام دى




لما تنهار البطله ويخرج من عندها الدكتور ويقول (للاسف عندها صدمه عصبيه حاده ياريت تنفزولها كل الى هيا عايزاه)


لما تقول البطله للبطل انا حامل ويرد عليها بالعباره الشهيره الى ف بطنك ده لازم ينزل
وغالبا بيكون يوسف شعبان





لما يوصل البوليس لموقع الجريمه منغير محد يبلغ
ماهو لازم يوصل اما الفيلم يكمل ازاى

وطبعا النهايه المعروفه لما البطل يتجوز البطله ويخلفوا صبيان وبنات

ههههه // هي من ناحية الفكاهة فهي جميلة
لكن انا بصراحة مش متفق معاك في بعض النقاط دي //
يعني بغض النظر عن بعض الافلام التقليدية القديمة // لكن فيه افلام عربية ممتـــــــــازة جدا وتستحق الاشــــادة والتقدير
كفاية بس افلام زي الموميا ( لشادي عبد السلام ) اللي كان علي البرنامج الرئيسي لمهرجان كان في اخر دورة ليه السنة دي
واللي اشاد بيه مخرجين كبار زي (سكورسيزي )
وفيلم الناصر صلاح الدين اللي كان علي عتبة الترشح لجائزة الأوسكار العالمية بس لمحات من العنصرية هي اللي بوظت الموضوع
// الأرض // ناصر 56 // ايـــام السادات // العزيمة // كلها افلام ترقي لمصافي الأفلام العالمية
صدقني فيه حاجات كتير مميزة أوي عندنا // بس للأسف احنا اللي مبنستغلهاش صح //
أحنا بنتخلي عن هويتنا تدريجيا ،، وبنقلد الغرب تقليد أعمـــي
يعني مثلا موضوع البطل اللي قاعد في كازينو و بيسكر زي ما قولت ،، واللي موجود في افلام عربي كيييييييييير أوي عندنا
بغض النظر عن ان اللي بيشربه بقي عصير قصب ولا عصير تفاح
بس الانطباع اللي بيوصل للمشاهد أنه واحد بيسكر وبيشرب خمرة (بدون أي وازع ) ،، واعتقد ان ده اقل شئ ميتفقش مع عادتنا وتقاليدنا كمجتمع شرقي مسلم ،، خصوصا انه الفيلم بيقدم الشخص اللي بيسكر ده كأن الخمرة دي حاجة طبيعية يعني !!
قس علي ذلك بقي المشاهد الجنسية //والعـــري والابتذال والأفكار الغريبة "الدخيلة " علي مجتمعنا زي اللي بيحاول يناقشها "خالد يوسف " في افلامه //وايناس الدغيدي وأمثالهم
عندنا كوادر ممتازة في جميع المجالات ( مخرجين // ممثلين // مؤلفين ... ) لكن للأسف مبنحاولش نبدع // بنحاول نقلد وننسخ وبس


مشكووور عـ الموضوع الجميل ومعلش طولت عليك
تحيــــــــــــاتي

عندنا كوادر ممتازة في جميع المجالات ( مخرجين // ممثلين // مؤلفين ... ) لكن للأسف مبنحاولش نبدع // بنحاول نقلد وننسخ وبس
دة كلام جميل بس الناس دول خلاص الزمن بتعهم راح مع العلم ان هما ماعملوش حاجه فى زمنهم كمان و بجد السينمات الاخرى فى معظم الدول اتطورت بشكل كبير جدا جداا و احنا لسه محلك سر
و فيلم صلاح الدين على فكره خسر فى ايام العرض و بعد الفيلم ما فات عليه واقت كبير بدا ينجاح فى التلفزيون مش سينما
و احنا فعلا محدجين حد يبدع بس غير ابداع الشباب الى طلع دة علشان اى حد ممكن يمثل و طبعا كل الناس فهمه زاى مين
و شكرا على مرورك و يارب نبدع فى كل حاجه مش سينما بس