ده موضوع قريتو وشدنى وحبيت اوريهولكو علشان تقولولى رئيكو فيه

الصراحه بقى انا محروق اوى .. قلولى محروق م ايه

وانتم مالكم .. يالهوى ع ده شعب م كتر فضوله مناخيره بقت واصله لركبه

وانا ركبى حديد ..

ايه اللى انا بقوله ده ..

خد عندك عزيزى المواطن ..

ابن السيد نظيف .. يعمل ف القريه الذكيه بمرتب شهرى 100 الف جنيه ..

بيعمل ايه .. بيعمل اسم النبى حارسه انت مالك انت .. دع الخلق للخالق

سكرتير اى وزير مرتبه الشهرى لا يقل عن 20 الف جنيه ..

وعدد سكرتارية الوزاره الحاليه 544 ... لو معاك كلكليتور احسبها براحه كده

والسكرتير ده بيعمل ايه .. بيطبخها باميه محصلتش انت مالك انت .. دع الخلق للخالق

بيقولك انهم عايزين يخصخصوا قناة السويس ..

يعنى ايه الخصخصة دى .. يعنى هيبعوهاااااااااااا

والقناه بتعمل ايه .. بتعمل دوخينى يالمونه انت مالك انت .. دع الخلق للخالق

لا وانت عارف يامعلم .. المنتخب الوطنى لما عكش الكاس .. عكش معاه 10 مليون جنيه

والمنتخب بيعمل ايه .. بيعمل عجين الفلاحه انت مالك انت .. دع الخلق للخالق

تعرف كمان .. ان جهاز حماية المستهلك .. بيقولك اوعى تشترى م محل ميكنش معلق سياسة البيع والاستبدال

اه يااخويا .. تشترى الجاكيت ابو 200 جنيه م هنا .. تلاقيه خياطته فاكه م ناحيه .. متعرفش ترجعه

وجهاز حماية المستهلك ملهمش الا انت ياضناياااا .... هيحموك يعنى هيحموك

هنقفل الباب بالترباس ويحممممموك بالليفه ياعباس

والمستهلك بيعمل ايه .. هيستحمى وانت مالك انت .. دع الخلق للخالق

بيقولك ايه كمان انهم لحد دلوقت اعتلقوا 700 اخوااان .. علشان المحليات يامعلم

مش واخدلى بالك ولا ايه ..

والمحليات بتعمل ايه .. بتعمل فوت علينا بكره يامحمد وانت مالك انت .. دع الخلق للخالق

بيقولك بقى ان المحليات هى اللقمه الطريه .. ورك البطه يادقن القطه

ال ايه .. بيهون عليه فراقى .. ال ايه المحليات ذهب منها 450 مليون ولم يعدواا

لا متفهمش غلط .. اوعى تتخيل انهم اغتلسوهم او سرقوهم .. لا ياراجل عييييييب

دول بس اخدوهم بيحوشوهم لينا .. خليك مواطن ذو نوايا سليمه

مش عيزاك تبقى مواطن نواياك نويئه خالص

ايه يعنى انك مش لاقى تاكل العيش الحاف

عايش انت ولا مش عايش

رد عليا .. عايش ولا مش عايش

هتنهببببببببببببببببببببب يعنى

والله العظيم اللى اسمعه منكم يشتكى

او يقول نص كلمه ف حق الحكومه ورعاة الشعب وانجال رعاة الشعب

هعلقه ع باب المدونه .. حتى يكون عبره لمن لا يعتبر يامواطنين ع ماااتفرج

كل واحد يحط لسانه ف بؤه .. ويمشى جوا الحيط

انتو فاهميييييييييييييييييييييييين

صحيح ..

مواطنين كل شين كان ....

.
.
.
اه والدهب .. بقى ب 150 جنيه
وانت لسه بتحلم تجوز .. ياحيلتها ..!!

اختر م بين الاقواس ..




المصير المفضل لك عزيزى المواطن .......

!! اروح انام !!
!! اروح اموت !!
!! اغور واريحهم

منقول والمصدر : http://dragd3banota.blogspot.com/2008/03/blog-post_15.html

بجد موش عارفه اقولك ايه يا فؤش
احنا بس كده عند الدوله اسماء فقط لا غير
وبعدين انت مدايق نفسك ليه انت مالك انت .. دع الخلق للخالق
بس احنا هنعمل ايه يعنى هو ده حالنا ومش بادينا نغيره

بجد موش عارفه اقولك ايه يا فؤش
احنا بس كده عند الدوله اسماء فقط لا غير
وبعدين انت مدايق نفسك ليه انت مالك انت .. دع الخلق للخالق
بس احنا هنعمل ايه يعنى هو ده حالنا ومش بادينا نغيره


اقول الحمد لله على شئ
والواحد مفيش فأديه اى حاجة غير انو يطيع ويرضى ربنا
تسلمى على مرورك رنا

اولا موضوع حلو ومفيد بس انت فعلن مديق اوى كده ليه
وانت مالك انت دع الخلق للخالق
الصراحه هو ده الى موجود فى البلد فعلن بسانت ممكن تعمل اى حاجه وتاكل من وراها عايش هو ده الى اعرفه وكل الناس ماشيه بيه دلوقتى