مشاهدة النسخة كاملة : رقم غريب خير اللهم اجعله خير
نور حدوتة 03-07-2009, 02:59 AM فــــــيه موضوع كده قاهرنــــــي يخص البنات حبتين
إنتــــــي يابنتي قعده في امان الله ويجيلك رنه على موبايلك
اده رقم غريب لما اتصل اشوف مين ؟؟
انتي : الو
الواد : الو
انتي : ايوه مين
الواد: معلش انا طلبت رقمك بالغلط .. اسف
خلصت المكالمه .. تاني يوم
الواد رنلك تاني
انتي : ايوه .. فيه حاجه
الواد: ممكن نتعرف .. على فكره انا شفتك واعجبت بيكي
انتي : ياراجل؟؟ شفتني فين
الواد : في بنها
انتي : بنها ؟ انا عمري مرحت بنها
الواد : بس انا شفتك هناك
انتي : قلتلك انا عمري مرحت بنها .. تيت تيت تيت
تاني يوم
الواد بيتصل
انتي : الووو
الواد : على فكره انا بحبك .. اديني فرصه
انتي : فرصة ايه ياابو فرصه انت تعرفني منين .. تيت تيت تيت
بعد كام يوم
الواد بيتصل
الواد : انتي ليه مش عيزه تكلميني
انتي : ملكش دعوه انا حره
الواد : هوا انا غالي عندك
انتي : اه غالي .. انا مش فضيه لأم هبلك ده .. تيت تيت تيت
بعد كام يوم
الواد : انتي ليه مبترديش عليا ياحبيبتي
انتي : ............
الواد : ياروحي
انتي : .........
الواد : الو
انتي : نعم
الواد : ردي عليا
انتي : اصل النهرده خطوبة اخويا مش فضيه .. باي
الواد : طيب عقبال انا وانتي .. ولا مينفعش
انتي : ............. تيت تيت تيت
لا وحوارات عجيبه فى النص ورسايل انا ما بانامش الليل
والنجوم مجننانى وعنيه اختفت من السهر ههههههههه ليه دا كله يعنى
حد حصل معاه كده قبل كدا ؟؟
وبعدين لو حصل انا طبعا معترضه ان لما تيجى رنه البنت تتصل بس اوقات بتفتكرى ان حد مهم اللى بيتصل
وهل الحل لو الموضوع ده كتر انك تغيرى رقمك اللى بتحبيه
الموضوع كبير ومحتاج مناقشه
يلا قولو رايكم منتظرين ايه
هستناكم وهستنى مواقفكم
وانتو يا شباب نورونا واحكو لنا وهل ممكن تعمل
كدا فى يوم حتى لو معجب ببنت اوى
رنات بقى قصدى هستنى تعليقاتكم هههههه
بنوته مصريه 03-07-2009, 02:08 PM الموضوع دا حصل ليا فعلا يانور
بس انا بقي مكنتش برد... كنت بفتح الخط واسيبو يكلم نفسو
عادي خالص. بس هو مزهقش وزهقني انا
وكمان غيرت رقمي
وبقيت مبردش علي ارقام غريبة خالص
وحكاية ان رقم غريب رن ف اتصل عشان اعرف مين لا خالص عمري ما عملتها
اللي عايزني هايتكلم او يبعت رسالة يقول هو مين
موضوع حلو اوي يانور وبيحصل لبنات كتير
هوبا_البوب 03-07-2009, 02:48 PM بجد بتحصل كتير قوى
بلهبل يعنى بس برده المفروض هى عرفت
الرقم خلاص يتعلم عليه بعد كده وبعدين ما تردش
وبعدين هو عصب عنها انها اتصلت فعلا زى ما قلت يا نور
ممكن يكون حد مهم ولازم تعرفى هو مين بس هما بيستغلوا ده
ربنا يهديهم كلهم موضوع لذيذ خالص يا نور
back4_mody 03-07-2009, 03:10 PM موضوع رائع نور حدوته
بس اقول حاجه البنت لو اي رقم غريب يتصل بيها متردش غير لماا تعرف مين اللي على الخط
هتريح نفسها من وجع الدماغ ده ولا ايه رايكم يا جماعه
يعني مش الواحد يفحر لنفسه حفره ويدفن نفسه فيهاا
تسلم ايدك
احمد عاشور 03-07-2009, 03:47 PM موضوع جميل اوى وقصة جميلة وحقيقية فعلن
ودة حصل معايا اكتر من مرة ومن بنت طبعا مش ولد والا مش كان يحصل اساسا
emad kamal 03-07-2009, 10:00 PM هاهاهاهاهاهاها...موش فاهم ازاى بنت يبقى فى رقم غريب يرن عليها تقوم هى الىل تتصل مهما كان السبب...اذا كان انا ولد ومش بعمل كده...اللى عايزنى يكلمنى...هاهاهاها..
طبعا اللى بيعمل كده والى بترد وتديله سكه حوار...فالاتنين اتفهه من بعض...
نور حدوتة 03-07-2009, 10:38 PM الموضوع دا حصل ليا فعلا يانور
بس انا بقي مكنتش برد... كنت بفتح الخط واسيبو يكلم نفسو
عادي خالص. بس هو مزهقش وزهقني انا
وكمان غيرت رقمي
وبقيت مبردش علي ارقام غريبة خالص
وحكاية ان رقم غريب رن ف اتصل عشان اعرف مين لا خالص عمري ما عملتها
اللي عايزني هايتكلم او يبعت رسالة يقول هو مين
موضوع حلو اوي يانور وبيحصل لبنات كتير
رايك جميل يا بنوته بس اللى يخنقك ان فيه ارقام غريبه انتى بتحسى انك لازم تردى لان ممكن يكون حد عاوزك بجد
صحابك قرايبك كدا
دا غير طبعا
الرسايل اللى تخنق اللى بتستفزك من الموبايل
نورتييييييييينى وهندور على حل سوا
نور حدوتة 03-07-2009, 11:02 PM بجد بتحصل كتير قوى
بلهبل يعنى بس برده المفروض هى عرفت
الرقم خلاص يتعلم عليه بعد كده وبعدين ما تردش
وبعدين هو عصب عنها انها اتصلت فعلا زى ما قلت يا نور
ممكن يكون حد مهم ولازم تعرفى هو مين بس هما بيستغلوا ده
ربنا يهديهم كلهم موضوع لذيذ خالص يا نور
هههههههههه اه والله يا هوبا رايك صح
ربنا يهديهم
نورتى
م. محمد علي رضوان 03-07-2009, 11:17 PM موضوع جميل يانور ،، ساعات البنت ما بتصدق بس بتستهبل ههههههه
Jimmy 03-08-2009, 01:28 AM طب وهي تسمعه ليه اصلا ؟؟؟؟؟
تخلي حد من اخواتها الولاد يردوا عليه ......... هايحرم يتصل تاني ......
وكمان المفروض ماتردش علي أي رقم غريب مهما كان ........
غير كده مستحيل نعمل حاجة زي دي ....... دي حركات التافهين بس و اللي عايزين يتسلوا ..
ربنا يحرقهم ياااااااااااااااارب
Basmala 03-08-2009, 01:34 AM فعلا الارقام الغريبة دى ..وبذات لما تزيد ..
بتبقى حاجة تزهق فعلا ..
بس برده فى كام حاجة كده يا نور ..
لو رقم غريب رن وفتحتى وقالك انا طلبت غلط خلاص ..
ولو رن تانى بقى وكلمك وعرفتى انه بقى هايفتح حورات
يبقى ما ترديش على الرقم خالص بعد كده
ولو بعت مليون رسالة او رن مليون مرة ..
واكيد فى الاخر هو من نفسه هايزهق ويبطل ..
وانتى مش خسرانة حاجة لما يرن وماترديش ..
هو شحن الموبايل اه ممكن يخلص بس يلا بقى ..ههههههههه
احسن ما شحنك انتى اللى يفصل ههههههههههههه
وتانى حاجة ازاى يعنى لما رقم غريب يرن انتى تتطلبيه ..
دى بصراحة غريبة جدا ..هو حد لاقى رصيد يا بنتى
اليومين دول ..ههههههههههههههههههه
وانا بفكراغير رقمى فعلا واديه لاخويا ..
واجيبلى واحد جديد واريح دماغى ..
دا اسلم حل بقى للحكاية دى ..
بلا دوووووووشة ..ههههههههههههههه
تسلم ايديك يا جميل ..
انا بقى بكبر دماغى من الموضوع ده لابرد على ارقام غريبه ولو رقم رن عليا مبعبروش اصلا
وبعدين اصلا اكبر غلط ان حد يرن عليكى وتتصلى بيه
moon light 03-09-2009, 01:18 AM الارقام الغريبه دي مشكله وبتحصل معايا كتير جدا بس عمري ما اتصلت بحد ولا برد علي ارقام غريبه الا لو اتصل اكتر من مره ورا بعض بقول يمكن صحابي حد اعرفه المشكله انهم بيعجبهم الصوت وبيستلموني رسايل هههههههههههههههههههههههههه والله العظيم عندي رقم من السعوديه بقاله 3 سنين دا بقي بيتصل في المناسبات والاعياد قبل صحابي ههههههههههههههههههههههههه لا وايه بابا يرد ويهزقه مفيش اقفل التليفون لو سنه مجرد ما اشغله الاقيه موجود كرهت التليفون بسببه يارب ينساني
مى العيادى 03-09-2009, 01:29 AM ازاى بس ياجماعة البنات ماتردش على رقم غريب؟؟..مش ممكن تكون واحدة صاحبتها عاوزاها ضرورى او مامتها او كدة يعنى
انا حصلت معايا كذا مرة ارد والاقى حد بيعاكس بصراحة مبعرفش اتكلم ولسانى بيتعوج لكن بصدر محمد للموضوع دة بقة وهوة بيحلة بس بردة ممكن بعد وصلة من الشتايم والتهزيق تلاقى الرقم بيتصل تانى..شكل الناس دى عندهم مرض نفسى وبيموتوا فى التهزيق..عشان كدة بقول لكل بنت متحرميهمش من التهزيق وخلى جوزك او اخوكى او بباكى يحققلهم امنيتهم الغالية ..وعوضك على الله فى رقمك لو الخفيف ادمن الشتيمة من اخواتك
< سيمو > 12-01-2010, 05:41 PM عسل يا نور الموضوع ده
وغريب قوى
ودلوقتى بقي العروض يعنى من 12 بالليل االاتصالات بتشتغل
بس الحمد لله ان الواحد محظوظ رقمه عجيب وغلس ومحدش ممكن يجربه يعنى مريحه دماغى قوى
بس تعرفى الغلط على البنت ليه تتصل اصلا
بصراحه انا كمان مش برد على نمر غريبه
غير لو كنت شاكه ان حد اعرفه وغير نمرته او معوش رصيد واتصل من موبايل تانى وده نادر جداااااااااا
شكرا يا نور
CUTE ANGLE 12-01-2010, 06:56 PM فعلا يا نور الموضوع دا
بيحصل مع كتير من البنات
و حصل معايا كتيرررررر
بس عرفت الحل المناسب
اللى ريح دماغى هو
لما يرن رقم غريب ارد
عشان كتير منها بيكون
فى حاجه مهمه مثلا صحبتى عايزه
حاجه ضرورى و معهاش رصيد فأتصلت
من نمرة اختها مامتها
المهم يعنى
و لو طلع الرقم الغريب دا معاكسه بأقفل
و لو فضل يلح و يرن
خلاص علمته و ما بردش
لو ايه هيفضل يرن طول اليوم
اعملوا كدا هتريحوا دماغكم يا بنات
طولت عليك
موضوع جميل جدا يا نور
|