فهمى الكاشف
11-09-2009, 12:31 PM
حسيت فى مره انى وحيد
حسيت ساعتها انى بين الناس غريب
فكرت قلت يمكن العيب عندى الاقيه
لقيت غربة النفس شعور كل قريب
سالت كتير الدنيا جرالها ايه
قالوو ملل وقلة راحه وجو خنيق
وكل دا مقدور عليه
ولما طلبت يكملو رد واحد وقالى انا عندى ابنى وخايف عليه
ساعتها قام عجوز ومرارة السنين باينه عليه
قال انا هتكلم ومش هخاف وليا رب اتكل عليه
فجاه الكل جرى ومبقاش غيرنا احنا الاتنين
قالى يابنى انا مبقاليش حد اخاف عليه
خدو منى ابنى وبيتى ومسابوش غير جرح ابكى عليه
ساعتها بس فهمت الناس جريت كده ليه
وسالت بقالنا كتير ساكتين ع الظلم ليه
وليه كل مادور على حد جمب الحيط الاقيه
ساعيتها بس فهمت الدنيا جرالها ايه
وقلت لنفسى انا كمان عندى اللى اخاف عليه
وساعيتها بس عرفت مش انا اللى بس وحيد
معايا كل مكسور وكل اللى عنده حد خايف عليه
ولقيتنى زيهم خايف والظلم انا ساكت عليه
هنفضل ساكتين وماشيين جمب الحيط لامتى بس؟
نسمة شجن
11-09-2009, 12:50 PM
هنفضل ساكتين وماشيين جمب الحيط لامتى بس؟
ساعات الصمت بيبقى إنتحار يقتل فى لحظات مرة
والجمود فى جنون بارد سم يسرى فى العروق الفاترة
والخوف لحظاتُ توجُس غامضة خائفة..
سنقف ونرتقب وننتظر
بس هنفضل ساكتين وماشيين جمب الحيط لامتى بس؟
وحسرات القلب هي التي ستُميت الروح
عودة مع صور الايام بلا مصيـر
الارواح تبكي بصمت
وشنق لروح الأمل
ليزداد الأنين المتعب بالقرب من ضريح السؤال
هنفضل ساكتين وماشيين جمب الحيط لامتى بس؟
السكوت داء ام دواء ؟
ظننت فى الماضى أنــه دواء يشفي من الكلام
واليوم هو داء يقتل ببطء ..لامتى بس
لما ننجب مساحات وافية خالصة متعاونة
وحط نفسك مكان الضحية علشان تحس تحس
لامتى بس ...
اخي فهمي الكاشف
تعابير جميلة جدا لقد أصبت منا على الوتر الحساس
انها جد رائعة ..كلمات متناصقة وأفكار متسلسلة
شكرا على هذه الرائعة وسلمت يداك
روحي تحبك
11-09-2009, 11:24 PM
كلمات صادقه خرجت من قلب صادق بكل معانيه الساميه
كم لها هذه الكلمات اثر رائع وجوهري حسي مرهف المشاعر النبيله..
اخي
لكِ أبجدية مختلفه في صياغة مايقبع بقلبكِ البلوري الشفاف ..
فكر باذخ يستحق أن يتوج بنجوم الذهب ..
وآمنيه ب سعآدةٍ لآ تنتهي ..
هنفضل ساكتين وماشيين جمب الحيط لامتى بس؟
سيدي ليس لدي جواباُ على سؤالك هدا سوى بالصمت
نصمت ..
كي لاتزيد جروحنا نزفاً
ونحاول النسيان....
فعندما نتدكر تبكي قلوبنا دمعا
وعيوننا دما حسرتاً على انفسنا..
ولكنْ آلحروف تتنفس بحرآرةِ الإحسآس ..
أنفآسٌ يخآلطهآ الالم والاسى لحالنا..
وتأوهآت مخنوقة من صدر الروح..
اشكرك سيدي ع الطرح
http://vip.ashagardiya.com/images/smilies/01.gifhttp://vip.ashagardiya.com/images/smilies/01.gif
heba samy
11-23-2009, 02:52 AM
بجد كلمات معبرة وجميلة
تعبر عن حال كل الشباب تسلم ايدك
رحاب العريش
11-23-2009, 05:23 AM
ألفاظ معبرة بشكل واقعى
تسلم الايااااااااااادى
butter fly
11-23-2009, 05:02 PM
هنفضل ساكتين وماشيين جمب الحيط لامتى بس؟
لحد ما الحيطة تقع علينا ههههههههه
الله عليك ابدعت والله يافهمى
تحياتى
هنفضل ساكتين وماشيين جمب الحيط لامتى بس؟
لحد ما نحط ايدينا فى ايد بعض ونقوى ببعض
تسلم يا فهمى وبجد المعنى مغزى
مش عارفه اقولك ايه
محمد محسن
04-21-2010, 07:56 PM
حبيبي يا فهمي
مش عارف ادخل اشارك ولا اعزي :)
مين اللي قال اننا مشين جنب الحيط
احنا مشين جوه الحيط نفسه
وكمان دافنين رسنا في التراب
مبدع طبعا في كلماتك يا كبير:)
لحد مايبان لينا صحاب
ههههههههههههههه
هاجر الشوربجى
07-21-2010, 06:20 PM
احساس الغربة دة اصعب ما يمر به الانسان
بس بمودة اللى حوالينا وصلتنا بيهم بنتغلب عليه
وبنحس اننا مش لوحدنا
جميل اوى يا فهمى تسلم ايدك
رصاصه رحمه
07-23-2010, 03:38 PM
ياااااااااااه يا فهمى
جميله اوى ومعبرة جدا
الله ع قلمك المبدع
وخلينا جنب الحيط عشان عندنا ناس كثير نخاف عليهم
بدل ميخدوا مننا كل شى ومش يسيبوا غير الجرح
كدا بالنسبه لكثير احسن
ودى وتقديرى
فهمى الكاشف
08-18-2010, 12:35 AM
نسمة شجن
روحى تحبك
هبه سامى
رحاب العريش
بيتر فلاى
رنا
محمد محسن
ديدى
الصحفية الصغيرة
لولولاف
أشكركم جميعا للمرور على صفحتى
كلماتى هذه منذ سنة تقريبا ......... جميل ان ارى كل هذه الردود الان
أشكركم مره اخرى
حاوه الكلمات والأحلي انك عبرت بها لكي أقول .
ان مش من المفروض اننا جنب الحيط أو جواه.
ليه كده الاحباااااط ده
ه